.

Həzrət Məhdi(ə) ilə görüş

2006-12-08T03:00:00.000-08:00

İmam Həsən Əskəri(ə)-ın həyatından danışarkən geniş mə’lumat verdiyimiz kimi, zalım Abbasi hökuməti o həzrətin (imam Əskəri(ə)-ın) oğlunu ələ keçirib öldürmək məqsədilə imam Əskəri(ə)-ın evini ciddi nəzarət altında saxladığından imam Məhdi(ə)-ın anadan olması imam Həsən Əskəri(ə)-ın qabaqcadan hazırladığı dəqiq və ölçülmüş plan əsasında çox gizli şəkildə və camaatın (hətta şiələrin) gözündən uzaq bir şəraitdə baş vermişdir. Bu barədə ən mö’təbər xəbəri o həzrətin anadan olmasının yaxından şahidi olmuş imam Həsən Əskəri(ə)-ın bibisi Həkimə xanım vermişdir. Qeyd etmək lazımdır ki, o həzrətin gizli şəkildə anadan olması bu demək deyil ki, sonralar, yə’ni, imam Həsən Əskəri(ə)-ın sağ olduğu müddətdə həzrət Məhdi(ə)-ı beş-altı yaşına qədər heç kəs görməmişdir. Xeyr, şiələrdən xüsusi adamlar müxtəlif vaxtlarda və müxtəlif münasibətlərlə o həzrəti görməyə nail olmuş, beləliklə də onun anadan olmasına yəqinlik edir, lazım gəldikdə başqa şiələrə də bu haqda mə’lumat verirdilər. (Necə ki, bu görüşlərdən birini imam Həsən Əskəri(ə)-ın həyatından danışarkən qeyd etmişdik.) Alimlər bu görüşlər barədə geniş şəkildə açıqlamalar vermiş,1 lakin bunların içərisində ən əsası çox güman ki, imam Həsən Əskəri(ə)-ın qırx səhabəsinin o həzrətlə görüşü olmuşdur. Bu görüş aşağıdakı şəkildə baş vermişdir.Həsən ibn Əyyub ibn Nuh2 deyir: “İmam Həsən Əskəri(ə)-dan sonrakı imamın kim olacağı barədə soruşmaq üçün o həzrətin yanına getdik. Orada qırx nəfər idik. (Sonradan imam Məhdi(ə)-ın xüsusi vəkillərindən biri olmuş) Osman ibn Səid Əmri ayağa qalxıb dedi: “Sizin məndən daha yaxşı bildiyiniz bir məsələ barədə soruşmaq istəyirəm.” İmam Həsən Əskəri(ə) Osmana “əyləşin” -deyə cavab verdi. Osman narahat halda məclisdən çıxmaq istədi. İmam buyurdu: “Heç kim durub getməsin.” Buna görə də kimsə qırağa çıxmadı. Bir qədər keçdikdən sonra imam Əskəri(ə) Osmanı dilləndirdi. O ayağa qalxdı. İmam ona buyurdu: “İstəyirsiniz bura nə üçün gəldiyinizi deyim?” Hamı “buyurun” -deyə cavab verdi. İmam buyurdu: “Bura məndən sonra kimin imam olacağı barədə soruşmaq üçün gəlmisiniz.” Hamı “bəli” dedi. Bu vaxt ay kim işıqlı (nurani), imam Həsən(ə)-a oxşayan bir oğlan (uşağı) içəri daxil oldu. İmam Həsən Əskəri(ə) ona işarə edərək buyurdu: “Bu, məndən sonra sizin imamınız, mənim sizin aranızdakı canişinimdir. Onun əmrinə tabe olun və məndən sonra ixtilaf yaratmayın. Yoxsa özünüz həlak, dininiz isə məhv olub gedər...”

SABAH RAMAZAN BAYRAMIDIR

2006-10-23T02:58:00.000-07:00

Əziz müsəlmanlar, sizi sabahkı Ramazan bayramı münasibəti ilə təbirik edir və Uca Allahdan bütün ibaətlərinizin qəbul edilməsini arzulayıram.

Həzrət Əli (ə) aşıqlərinə yeni töhvə- "Nəhcul-bəlağə"nin mətni

2006-10-17T11:20:00.001-07:00

Fəsahət və bəlağətdə həqiqətən də bərabəri olmayan, mövzu baxımından İslam dininin əsaslarına, o əsasların vacib saydığı hökmlərə, hökmlərin təşrihi səbəblərinə toxunan, bunları islam Peyğəmbərindən (s.ə.v.v.) əxz etdiyi hududsuz elm qudrətilə açıqlayan, içtimai və iqtisadi məsələlərə, İslam dininin insani göruşunə aydınlaşdırıçı işıqlar tutan «Nəhcul-bəlağə» Əmir-əl-mö`minin Əli ibni Əbu Talibin (ə) xütbələrinin, sözlərınin, öyudlərinin, vəsiyyətlərinin, məktublarının və hikmətli sözlərinin toplanmasından meydana gəlmişdir. Bunları Şərif Rəzi Məhəmməd ibni Hüseyn toplayıb kitab halına salmış və üç bölumə ayırmışdır. Birinci bölumə xütbələri, ikinci bölumə əsasən məktubları, üçüncu bölumə isə hikmətli sözləri daxil edilmişdir.

Bu haqda daha ətraflı: http://www.balaghah.net/nahj-htm/azr/index.htm

DÜNYA ZÜHURDAN SONRA

2006-10-17T06:36:00.000-07:00

Və`dəsi verilmiş Məhdi (ə.c.)-in zühur edəcəyi dövr haqqında çoxlu hədislər gəlmişdir. Həmin dövrdə yer kürəsində vahid hökumət bərpa olunacaqdır.
Bütün batil dinlər məhv olaraq aradan gedəcək, yer üzərində vahid din olaraq haqq din –
İslam dini olacaqdır. Bütün insanlar bu dinə iman gətirəcək, bu din vasitəsilə haqqa qovuşaraq öz Xaliqlərinə ibadət edəcəklər. İndiki dövürdə olan zülm, haqqsızlıq aradan gedərək o Həzrətin əli ilə yer üzü ədalətlə dolacaqdır. Belə ki, bütün insanlar öz haqqına yetişəcək və heç kəs onların haqqını qəsb edə bilməyəcəkdir.

Yaranacaq vahid hökumətdə bütün dövlət qanunları – indiki zamanda insanlar vasitəsi ilə təsis olunan və iki gündən bir dəyişən heç bir həqiqəti olmayan, ədaləti təcəssüm etdirməyən qanunlar kimi olmayıb – Xaliqin özü, öz məxluqu üçün tə`yin etdiyi və İslam dini adı ilə bizə göndərdiyi müqəddəs qanunlar əsasında olacaqdır. Həmin dövürdə İmamın vasitəsilə İslamın həqiqəti Peyğəmbərin zamanında olduğu kimi insanlara çatdırılacaq, hal-hazırda bizə aydınlaşmayan məsələlər İmamın mübarək vücudu vasitəsilə bizlərə çatdırılacaqdır.

Müxtəlif hədislərdə o dövrün əzəməti barəsində bəyan edilmişdir. Bu hədislərə təkyə edərək həmin zamanda baş verəcək dəyişikliklərdən onunu sizlərə çatdırmaqla kifayyətlənirik:

1-İslam hakimiyyəti bütün dünyada

İmam Baqir (ə) bu ayənin «Və qatlihum hətta latəkun fitnə və yəkunəddinə lillah» (İnfal 39) təfsiri barəsində belə buyurur:

«Bu ayənin təvili hələ gəlməmişdir. Elə ki, təvili yetişdi İmam Mehdi müşriklərdən o qədər öldürəcək ki, yerdə qalanlar Allahın izzət və cəlalına pərəstiş etsinlər. Həmin zamanda şirkdən heç bir əsər əlamət qalmaz. Bunların hamısı bizim Qaimimizin zamanında baş verəcəkdir.»

İmam Sadiq (ə) buyurur:

«Həzrət Qaim qiyam edən zaman elə bir şəhər qalmayacaq ki, oradan kəlmeyi şəhadət sədası eşidilməsin.»

2-Dini ayinlərin bərpası

İmam Kazim (ə) Hədid surəsinin 17-ci ayəsinin təfsirində o Həzrətin Qiyamına işarə edərək buyurur:

«Bu ayədə məqsəd Allahın yer üzünü yağışla diriltməsi deyil. Allah elə insanlar vücuda gətirəcək ki, onların əli ilə yer üzündə ədalət və dini ayinləri dirçəldəcəkdir.»

3-Quranın dirilməsi və Qur`an maarifi

İmam Əli (ə) O həzrətin qiyamına işarə edərək buyurur:

«Əhli beyt şiələrini görürəm ki, Kufə məscidinə yığışıb xeymələr qurmuşlar və orada Qur`ani kərim peyğəmbərə necə nazil olmuşdusa elə o cür başqalarına öyrədirlər.»
(Biharül ənvar c. 52 səh. 366)

Əmir əl-möminin (ə) digər bir xütbəsində İmam Zamanın dünyanı (ə) idarə üsulu barəsində buyurur:

«İnsanlar haqqı öz həvayi nəfslərinə tabe etdikləri zaman, o zühur edəcək və nəfsani istəkləri haqqa tabe edəcək.»
(Nəhcül bəlağə xütbə 138 s. 190)

«İnsanlar Qur`anı öz rəylərinə əsasən təfsir etdikləri zaman o zühur edəcək və düşüncələri Qur`ana uyğunlaşdıracaq.»

4-Ədalətin yayılması və zülmün aradan qaldırılması

Həzrəti Rəsul (s) buyurur:

«Həzrət Məhdi (ə) mənim övladlarımdandır. O qeybə çəkiləcək və nəhayət zühur edərək zülümlə dolmuş yer üzünü ədalətlə dolduracaq.»
(Yənabiul məvəddət s. 668)

Bu və digər hədislər sünnü və şiə kitablarında mütavatir həddindədir. Onaların çoxunda ədalət və qist bir-birinin kənarında gəlmişdir. Bu iki kəlmənin bir-birindən fərqi vardır.

Ədl qistdən daha geniş mənaya malikdir. Qist ancaq başqalarının haqqına riayət etməkdir ədl isə hamının və hər şeyin haqqına riayətdir. Qist yalnız başqaları üçün işlənir, ədl isə insanın özü ilə, Allahı ilə və başqalarıyla rabitəsinə də şamil olur. Qist sövrün ziddinədir, ədl zülmün.

5-İslamın çiçəklənməsi

İmam Sadiq (ə) buyurur:

«O, Həzrət qiyam etdiyi zaman insanları yenidən İslama də`vət edəcək.»
(Biharül ənvər c. 51 səh. 30)

Peyğəmbərin vəfatından sonrakı dövr həqiqətən də çox böhranlı bir dövr idi. Xəlifələrin hakimiyyətə gəlməsi, İslam mənbələrinin, din maarifində səhv təfsirlərin mövcudiyyətinə gətirib çıxardı. Camaatın Peyğəmbərin həqiqi davamçıları olan Əhli beytdən uzaqlaşması, məxsusən uzun müddətli qeyb dövründə vəhyin əsl həqiqətləri müsəlmanlara qaranlıq qaldı.

İmam Sadiq (ə) əvvəlki sözlərinin davamında buyurur:

«O, yenidən camaatı islama də`vət edəcək və onları unudulmuş hökmləri yerinə yetirməyə vadar edəcək. Həqiqətən 12-ci imam camaatı unudulmuş hökmlərə tərəf hidayət etdiyi üçün «Məhdi», Haqq uğrunda qiyam etdiyi üçün «Qaim» adlandırılmışdır.»
İmam Baqir (ə) həzrət Məhdinin hökumətinin idarə üsulu haqqında buyurmuşdur:
«O, Peyğəmbər (s) kimi rəftar edəcək. Xürafatları aradan aparacaq, necə ki, Allah Rəsulu (s) cahiliyyət dövrünün tör-töküntülərini aradan apardı. O İslamı əvvəlki halına qaytaracaq.»
(Mikayalul Məkarim c. 1 səh. 57 hədis 98)

6-Elm və maarifin kamalı

İmam Sadiq (ə) buyurur:

«Elm iyirmi yeddi hissədən ibarətdir. Peyğəmbərlərin gətirdiyi elmlər yalnız iki hissədir. Deməli indiki insanlar iki hərfdən artıq heç nə bilmirlər. Qaimimiz qiyam edən zaman iyirmi beş hərfini aşkar edər və camaat arasında aşkar olan iki hissəyə də əlavələr edər.»
(Biharul ənvar cild 52 səh. 336 73-cü hədis)

«Elm öyrənmək vasitəsi o qədər çox yayılacaq, elm öyrənmək o qədər asanlaşacaq ki, hamı elmə yiyələnəcək və daha bir-birinin elminə ehtiyac duymayacaqlar.»

İmam Baqir (ə) buyurur:

«Həzrət Məhdi (ə) hikmət və elmi aşkar edən zaman qadın öz evində Allahın kitabı və peyğəmbərin sünnətinə əsasən hökm verər.»
(Biharul ənvər c. 52 s. 352)

Əli (ə), Məhdinin (ə) zühurundan sonrakı dövr barəsində buyurur:
«Elm mö`minlərin ürəklərinə yayılar və artıq mö`min öz mö`min qardaşının elminə ehtiyac duymaz.»
(Bihərul ənvar c. 53 səh. 76)

7-Ağılların inkişafı

İmam Baqir (ə) buyurur:

«Bizim qaimimiz qiyam edən zaman Allah taala əlini bəndələrinin başı üzərinə qoyar və bununla da onların ağıllarını cəmləşdirib düşüncələrinə kamillik bəxş edər.»
(Muntəxəbül əsər fəsl 7 bab 12 səh. 473)

«Bütün yaxşılıqları ağılda tapmaq olar»

«İnsanın dini ağlıyladır. Hər kəsin ağlı yoxdursa dini yoxdur»

«Mömün insanın yol göstərəni ağlıdır»

«Ağlı istiqamətlənməyən şəxsin dini istiqamətlənməz»

Xeyir işin dəyərini həmin şəxsin ağlında tap:

«Camaat yaxşı işlər edirlər amma öz savablarını qiyamət günü öz ağılları qədər taparlar.»

Şəxsin dinini onun ağlı ilə müqayisə et:

«Bir nəfərin müsəlmanlığı sizi təəccübləndirməsin o zaman ki, onun düşüncəsinin dərinliyini yoxla.»

Bunlar ağılın əhəmiyyəti barədə olan hədislər idi. Bəşəriyyətin başına gələn bütün bəlalar onun ağlının, dərk səviyyəsinin darlığından irəli gəlmişdir.

8-Əmniyyət və rahatlıq

«Onun zamanında «qoyun və canavar», «inək və şir», «insan və ilan» mehribanlaşar.»
(Biharül ənvar c. 51 s. 61)

Həzrət İdrisin (ə) səhifəsindən nəql olunur:

«Ali Muhəmmədin qaimi zahir olan zaman yer üzü əmniyyət tapar. Bir-birinə zərər vurmaq və qorxu aradan gedər. Vəhşi heyvanlar insanlarla yaşayar və bir-birinə əziyyət yetirməzlər.»
(Biharül ənvar c. 52 s. 384)

Əmirəl Mö`minin Əli (ə) buyurur:

«Həzrət Mehdinin dövründə bir qadın Şam və İraq arasında yol gedərkən ayağını yaşıllıq və bitki üzərindən başqa yerə qoymaz. Onun yanında qiymətli əşyaların olmasına baxmayaraq heç bir quldur ona hücum etməz və o qadın heç nədən qorxmaz.»
(Mikyalul Məkarim c. 1 s. 101 hədis 228)

9-Könüllərin ülfəti

Əmirəl-mö`minin Əli (ə) Peyğəmbərdən soruşur:

«Mehdi (ə) bizim ailəmizdəndir?

Bəli, Allah taala dini bizim əlimizlə başladığı kimi onun əlilə yekunlaşdıracaq. Camaat onun vasitəsilə fitnələrdən qurtular necə ki, bizim vasitəmizlə şirkdən nicat tapdılar, Allah taala onun vasitəsilə fitnə və düşmənlikdən sonra ülfət və qardaşlıq vücuda gətirəcək necə ki, bizim vasitəmizlə düşmənlik və şirkdən sonra dində ülfət vücuda gətirdi.»
(Biharul ənvar c. 51 hədis 34)

Əli (ə) buyurur:

«Allah taala Həzrət Mehdi (ə) vasitəsilə müxalif ürəklər arasında ülfət və dostluq vücuda gətirəcəkdir.»

Digər hədisdə buyurur:

«Bizim qaimimiz qiyam edərkən göy yağışını yağdırar, yer bitkilərini bitirər və düşmənlik və kin bəndələrin ürəklərindən gedər.»

10-yer üzünün günahlardan paklanması

İmam Sadiq (ə) Məhdi (ə) zühurundan sonra camaatın halı barəsində buyurur:

«Yer üzündə Allahın fərmanından qaçılmaz və itaətsizlik olmaz.»

ILAHI MÖCÜZƏ. O həzrətin xəyanət nəticəsində reallaşan cismani ölümü belə, bəşəri dühasini sarsida bilmədi

2006-10-17T06:15:00.000-07:00

Bismillahir Rəhmanir Rəhim. Həzrət Əlinin (ə) şəxsiyyəti o qədər zəngindir ki, heç kəs onu tam təfərrüatı ilə dərk edə bilməz. Bu məsum şəxsin xüsusiyyətlərindən biri, onun insanlar üzərindəki təsiridir. Həzrət Əli (ə) misilsiz və müqayisə olunmaz şəxsiyyətdir. O həm filosof, həm rəhbər, həm də peyğəmbərlərə məxsus xüsusiyyətlərə malikdir. Onun məktəbi həm inqilab, həm də gözəllik məktəbidir. Həzrət Əli (ə) hikmət sahibi, ictimai rəhbər, natiq, yazıçı və bütün gözəllikləri özündə əks etdirən kamil bir insan idi.

Həzrət Əli (ə) Islamı qəbul edən ilk şəxsdir. Bu barədə hamıdan əvvəl Həzrət Peyğəmbər xəbər verərək camaat arasında buyurmuşdur: “Qiyamət günü Kövsər (hovuzunun) bulağının başında mənə birinci birləşən şəxs Islamı birinci qəbul etmiş şəxs Əli ibn Əbutalib olacaqdır”.

Həzrət Əli (ə) özü isə hədislərin birində belə buyurmuşdur: “Ilahi! Mən Sənin yoluna gəlmiş ilk şəxsəm. Ilk dəfə olaraq sənin xəbərini eşitdim və Peyğəmbərin dəvətini qəbul etdim. O vaxt məndən başqa ancaq Peyğəmbər namaz qılırdı”.
Qurani-Kərimdə Həzrət Əlinin (ə) vilayətinə işarə olunur: “Bu gün dininizi tamamlayıb mükəmməl etdim, sizə olan nemətimi başa çatdırdım və bir din kimi sizin üçün Islamı seçdim” (“Maidə”, 3).

Həzrət Peyğəmbər (s) son həcc ziyarətindən dönərkən Qədir-Xum adlanan yerdə dayanmağı əmr verdi. Hamı sakit olandan sonra mənbər düzəltdilər və Həzrət gözəl, təsirli xütbə oxudu. O, özünün yaxın günlərdə əbədi evə köçəcəyinə işarə etdi və Həzrət Əlini (ə) özündən sonra din və dünya işlərinin rəhbəri kimi təqdim edərək onun əlini yuxarı qaldırdı və buyurdu: “Ey camaat, hər kəs məni mövla bilirsə, Əli onun mövlasıdır”.
Həmin gün Mühacir və Ənsar Həzrətin çadırına gedib, onu təbrik etdilər.

HƏYATI

Həzrət Əli (ə) “Amul-fil” (Fil ilinin) 30-cu ilində, Hicrətdən 23 il əvvəl, rəcəb ayının 13-də Kəbə evində dünyaya gəlmişdir. Atası Əbutalib, anası isə Fatimə Əcəd qızı olmuşdur. Bu barədə ibn Qənəb belə deyir: “Əbdül Mütəllibin oğlu Abbas və başqaları ilə Allah evinin qarşısında dayanmışdıq. Əsəd qızı Fatimə Allahın evinə tərəf gəldi və dedi: “Ey Allahım Sənə, Peyğəmbərlərə və kitablara inamım vardır. Səni, bu evi əmrinlə tikən Ibrahim (ə)-a və bətnimdə olan bu uşağa and verirəm ki, onun doğulmasını mənə asan elə”.

Elə bu zaman Allah evinin divarı yarıldı və o əziz xanım içəri daxil oldu. Allahın hikməti ilə divar yenidən qapandı...

Dörd gündən sonra əziz xanım qucağında bir körpə Allahın evindən bayıra çıxdı və dedi: “Qeybdən bir səs gəldi ki, bu uşağın adını Əli qoy”.

Həzrət Əli (ə) ömrünün əsas formalaşma dövrünü Mühəmməd Peyğəmbərin evində, onun təlim-tərbiyəsi altında keçirmişdir. Peyğəmbər Əli (ə)-ı öz öhdəsinə götürərək buyurmuşdur: “O kəsi seçdim ki, Allah-Təala onu mənim üçün seçmişdir”.
Ümumiyyətlə, Əbu-Talibin uşaqları arasında Həzrət Əlini (ə) Peyğəmbərin (s) gözü tutmuşdu.

ƏLI (Ə) HIRA MAĞARASINDA

Hira Məkkənin Şimal səmtində bir dağdır. Həmin dağın başında bir mağara var ki, o da bu dağın adı ilə əlaqədar Hira mağarası adlanırdı və Peyğəmbər bir ay ərzində bu mağarada ibadətlə məşğul olardı. Tarixçilərin dediyinə görə, Peyğəmbər (s) Əlini (ə) özü ilə həmin Mağaraya aparardı və vəhy mələyi ilk dəfə Hira mağarasına gəlib Mühəmmədin (s) Allah-Təala tərəfindən Peyğəmbərliyə seçilməsi xəbərini çatdıranda, Həzrət Əli (ə) da onun yanında olub.

ƏLI (Ə) DÖYÜŞ MEYDANLARINDA

Həzrət Əlinin (ə) həyatı Peyğəmbərin hicrətindən və o Həzrətin vəfatına qədər çoxlu hadisələrlə, xüsusən döyüş meydanında göstərdiyi hünər və şücaətlərlə doludur. Buna misal olaraq Bədr döyüşü, Ühüd, Xəndək, Cəməl, Nəhrivan və Siffeyn döyüşlərini göstərmək olar.

HƏDISLƏRI

* Ey camaat, sizin üçün məni nigaran edən ən qorxulu şey iki növdür: nəfsani hərəkətlərinizə itaət etməyiniz və uzun-uzadı arzularınız. Nəfsani həvəslərə itaət etmək insanı düz və haqq yoldan saxlayar, uzun-uzadı arzular isə Axirəti unutdurar.

* Qeyrətli adam heç vaxt zina etməz.

* Istər ciddi, istərsə də zarafatyana yalanları tərk etməyən şəxsin imanı olmaz.

* Dünya bir ilan kimidir, yumşaq və incə olduğuna baxmayaraq, öldürücü zəhəri var. Nadan ona bel bağlayar, ağıllı və ayıq adam ondan çəkinər.

* Camaatı bir əmələ çağıran və özü öz çağırışına əməl etməyən adam, yaysız kamanla ox atan adama bənzər.

IMAM MEHDI (E) HAQQINDA SAYTLAR

2006-10-15T10:53:00.000-07:00

Imam Mehdi haqqinda bilgi almaq, daha da etrafli melumata malik olmaq her bir intizar ceken sexsin en boyuk arzusudur. Biz de bunu nezere alaraq Imam Mehdi ile bagli olan muxtelif dillerde olan saytlari size teqdim edirik.

http://www.almawood.net

http://www.hazratmahdi.com

http://www.baqiyatullah.com/

http://www.imamalmahdi.com/

http://www.baqiatollah.org/

http://www.al-mahdi.org/

http://www.imammahdi.com/

http://www.yamahdi.com/

http://www.imammahdi-s.com/

http://www.zohoor.com/

http://www.jamkaran.info/

http://www.alqaem.net/

http://www.mahdieh.org/

http://www.hazratesaheb.com/

http://www.khorshidemakkeh.com/

http://www.montazar.net/

http://www.ejlasmahdi.com/

http://www.monjee.org/

http://www.hazratmahdi.com/

http://www.mouood.com/

http://www.imammehdi.org/

http://www.almontadhar.com/

http://www.yusofezahra.com/

http://www.ya-mahdi.info

http://www.313adineh.com/

http://www.intizarmag.ir/

http://www.zohoortv.com/

http://www.zohour.ir/

http://www.zohoorestan.net/

HӘZRӘT ӘLI ӘLEYHISSALAMIN ŞӘHADӘTI

2006-10-13T05:52:00.000-07:00

Nəhrəvan müharibəsindən sonra xaricilər adlı bir dəstə Məkkədə hər gün yığıncaqlar təşkil edib Nəhrəvanda ölənlər üçün ağlayırdılar. Bir gün onlar öz aralarında belə bir fikrə gəldilər ki, oturub ağlamağın mə᾽nası yoxdur. Islam hökumətini devirib qardaşlarımızı öldürən adamları məhv etməliyik. Әvvəlcə Әli, Müaviyə və Әmr ibni Ası öldürmək lazımdır. Bu üç nəfəri öldürmək üçün könüllülər tələb olunduqda ibni Mülcəm (lə᾽) ayağa qalxıb «mən Әlini öldürəcəyəm» dedi. Daha sonra Әmr ibni Bəkri Təmimi «mən də Әmr ibni Ası öldürəcəyəm» söylədi. Bir başqası da Müaviyəni öldürməyi öz öhdəsinə aldı.

Onların üçü də and içib mübarək Ramazan ayının 19-u planlarını həyata keçirmək üçün münasib vaxt bildilər. Sonra isə qərarlaşdıqları günü gözləmək üçün öldürəcəkləri adamların yaşadıqları şəhərlərə yollandılar. Təəssüflər o iki nəfər işlərində müvəffəq olmadılar, amma Ibni Mülcəm (lə᾽) müvəffəq oldu.

Ibni Mülcəm (lə᾽) Kufəyə gəlib Әli əleyhissalamın düşmənləri ilə əlaqə yaradaraq Ramazan ayının 19-cu gününə qədər onların evində qaldı.
Bir gün Әli (ə) Kufə küçələrindən birində onunla qarşılaşdı. Ibni Mülcəm (lə᾽) özünü gizlətmək istədisə də Әli (ə) onu görüb belə buyurdu: «Kufəyə nəyə gəldiyini bilirəm».

Bu sözləri eşidən Ibni Mülcəm (lə᾽) qorxdu və ayaqları titrəməyə başladı. həzrət Әli əleyhissalama belə dedi: Onda ey Әli əmr et ki, məni öldürsünlər ya zindana atsınlar, ya da sürgün etsinlər».

Әli (ə) ona baxıb belə dedi: «Bu üç təklifdən hər birini sənin haqqında tətbiq edə bilmərəm. Amma islam dini öldürmə və cinayətdən qabaq qisası rəva görməz. Səni sərbəst buraxıram ki, bəlkə fikrindən dönəsən».

Nəhayət hicri 40-cı ilin Ramazan ayının 19-da Ibni Mülcəm (lə᾽) namazda səcdə halında olan həzrət Әli əleyhissalamın başına zəhərli bir qılıncla vurdu. Bununla da təqva və iman dağını yıxıb həzrət Әli əleyhissalamı şəhid edərək islam dünyasını matəmə qərq etdi. həzrət Әli əleyhissalamın mehrabdakı «And olsun Allaha ki, artıq qurtuldum» səsinin dalınca mələk Cəbrailin səsi yüksəldi: «Vallahi, hidayət sütunları yıxıldı və Әli şəhid edildi.» Camaat Әli əleyhissalamın qatilini tutub imam Həsən-Müctəba əleyhissalama təhvil verdilər. Imamın yaralı bədənini isə öz evinə apardılar.

Imam Әli (ə) öz qatili barəsində oğlu Həsənə belə buyurdu: «Oğlum! Mənim qatilim olan bu adama xörək və su verin. Onu sərbəst buraxmayın. Әgər diri qalsam, ona nə edəcəyimi bilirəm. Amma əgər ölsəm, ona bir qılınc zərbəsindən artıq vurmayın.»
Amma əfsus ki, Әli (ə) daha yaşamadı. Və Ramazan ayının 21-də, 63 yaşında əbədiyyətə qovuşdu. Onun pak bədəni gizlin şəkildə Nəcəfi-əşrəf şəhərində torpağa tapşırıldı.

Qədr gecəsinin əhəmiyyəti və Fatimə (s)

2006-10-13T05:28:00.000-07:00

Qədr gecəsinin əhəmiyyəti hamıya aydındır. İlin gecələri arasında onun tək şərafətlisi yoxdur. Qədr gecəsi bir il üçün talehlərin yazıldığı, ilahi bərəkətin nazil olduğu gecədir. Onun fəziləti min ayın fəzilətindən artıqdır. («Qədr» surəsi, ayə 3).

Bu gecədə ilahi mələklər haqqın layiq bəndəsinə nazil olar. Bu gecədə Allahın xüsusi mərhəmət qapıları hamı üçün açıqdır. Layiq insan ibadət və bu gecəni oyaq qalmaqla bəhrələnmək ümidindədir.

Gərək özü «Qədr gecəsi» adlanan Fatimə (s) bu gecəni necə keçirir. Fatimə (s) bu gecəyə o qədər əhəmiyyət verir ki, gecə oyaq qalmaları üçün azyaşlı övladlarını əvvəlcədən hazırlayır. İstəyir ki, körpələr sübhədək ibadət edib, öz gələcək səadətlərinə tə’minat alsınlar. («Bəhar» cild 94).

Fatimənin (s) qaydası bu idi ki, Qədr gecəsi ailədən kimsə yuxuya getməsin. Bir gün əvvəldən ailəni azca yedirməklə, istirahətlə gecəni oyaq qalmağa hazırlayırdı. Buyurardı ki, məhrum Qədr gecəsinin xeyr və fəzilətindən əli çıxan şəxsdir.

QƏDR GECƏLƏRİNİN MƏXSUS ƏMƏLLƏRİ

2006-10-13T04:40:00.000-07:00

19-Cİ GECƏNİN ƏMƏLLƏRİ

19-cu gecənin məxsus əməlləri aşağıdakılardan ibarətdir:

1. 100 dəfə

‏أَسْتَغْفِرُ اللَّهَ وَ أَتُوبُ إِلَيْه

«əstəğfirullahə və ətubu iləyh»
demək (Allahdan bağışlanmaq istəyirəm və Ona tərəf qayıdıram).

2. 100 dəfə

‏اللَّهُمَّ الْعَنْ قَتَلَةَ أَمِيرِ الْمُؤْمِنین

«Allahumməl`ən qətələtə Əmiril-mö`minin»
(İlahi, Əmirəl-mö`mininin qatillərinə lə`nət et!)

3. Aşağıdakı duanı oxumaq:

يَا ذَا الَّذِي كَانَ قَبْلَ كُلِّ شَيْ‏ءٍ ثُمَّ خَلَقَ كُلَّ شَيْ‏ءٍ ثُمَّ يْقَى وَ يَفْنَى كُلُّ شَيْ‏ءٍيَا ذَا الَّذِي لَيْسَ كَمِثْلِهِ شَيْ‏ءٌ وَ يَا ذَا الَّذِي لَيْسَ فِي السَّمَاوَاتِ الْعُلَى وَ لاَ فِي الْأَرَضِينَ السُّفْلَى‏وَ لاَ فَوْقَهُنَّ وَ لاَ تَحْتَهُنَّ وَ لاَ بَيْنَهُنَّ إِلَهٌ يُعْبَدُ غَيْرُهُ‏لَكَ الْحَمحَمْداً لاَ يَقْوَى عَلَى إِحْصَائِهِ إِلاَّ أَنْتَ فَصَلِّ عَلَى مُحَمَّدٍ وَ آلِ مُحَمَّدٍ صَلاَةً لاَ يَقْوَى عَلَى إِحْصَائِهَا إِلاَّ أَنْتَ‏

(Tərcüməsi:)
Ey hər bir varlıqdan öncə mövcud olan, sonra hər bir varlığı xəlq edən. Sonra hər bir varlıq fani olur və yalnız O baqi qalır. Ey O Kəs ki, Onun misli, tayı-bərabəri olacaq bir varlıq yoxdur, ey O Kəs ki, uca (təbiətli) asimanlarda, alçaq (təbiətli) yerlərdə, onların üstlərində və altlarında, onların arasında Səndən başqa ibadətə layiq olacaq bir mə`bud (ilahi) yoxdur. Həmd, səna və tə`rif olsun Sənə! Elə bir həmd ki, onu saymağa Səndən başqa bir kəsin qüvvəsi çatmaz. İlahi, Muhəmməd və Ali-Mühəmmədə salavat göndər, elə salavat ki, Səndən başqa bir kimsə onu saya bilməz.

4. Bu duanı oxumaq lazımdır:

اللَّهُمَّ اجْعَلْ فِيمَا تَقْضِي وَ تُقَدِّرُ مِنَ الْأَمْرِ الْمَحْتُومِ‏ وَ فِيمَا تَفْرُقُ مِنَ الْأَمْرِ الْحَكِيمِ فِي لَيْلَةِ الْقَدْرِ وَ فِي الْقَضَاءِ الَّذِي لاَ يُرَدُّ وَ لاَ يُبَدَّلُ ‏أَنْ تَكْتُبَنِي مِنْ

حُجَّاجِ بَيْتِكَ الْحَرَامِ الْمَبْرُورِ حَجُّهُمْ الْمَشْكُورِ سَعْيُهُمْ الْمَغْفُورِ ذُنُوبُهُمْ الْمُكَفَّرِ عَنْهُمْ سَيِّئَاتُهُمْ‏ وَ اجْعَلْ فِيمَا تَقْضِي وَ تُقَدِّرُ أَنْ تُطِيلَ عُمْرِي وَ تُوَسِّعَ عَلَيَّ فِي رِزْقِي وَ تَفْعَلَ بِي كَذَا وَ كَذَا

(Tərcüməsi:)
İlahi, Qədr gecəsində hökm və müqəddər etdiyin qaçılmaz olan əmrində, ayırdığın hikmətli əmrində, dəyişilməyən və geri qaytarıla bilməyən qəzavətində (hökmündə) məni Öz Evinin–Beytüllahül-Həramın hacılarından, həm də həcləri gözəl, sə`ylərinin əvəzi verilmiş, günahları bağışlanmış, pis əməlləri pərdələnmiş qərar ver. Hökm və müqəddər etdiyin işlərdə ömrümü uzun edib ruzimdə vüs`ət bəxş edəsən və mənim üçün bu işləri edəsən.
«kəza» və «kəza» kəlmələrinin yerinə öz hacətlərini deyib sonra Qədr gecələrində lazım olan əməlləri görmək lazımdır:

1-qüsl almaq, yaxşı olar ki, gün batan zamana yaxın bir vaxtda qüsl alıb, axşam namazını qüsl ilə qılasan.

2-iki rük`ət namazdır ki, hər rük`ətdə «Həmd»dən sonra 7 dəfə «Tovhid» surəsi oxunmalı, namazı qurtarandan sonra 70 dəfə

‏أَسْتَغْفِرُ اللَّهَ وَ أَتُوبُ إِلَيْهِ

«əstəğfirullahə və ətubu iləyh» deyilməlidir.

Peyğəmbər (səlləllahu əleyhi və alihi və səlləm)-dən gəlib çatan rəvayətdə buyurulur ki, yerindən qalxmasın ta ki, Allah onun və ana-atasının günahlarını bağışlasın.

3. Qur`ani Məcidi açıq halda üzünün müqabilində tutub de:

اللَّهُمَّ إِنِّي أَسْأَلُكَ بِكِتَابِكَ الْمُنْزَلِ وَ مَا فِيهِ ‏وَ فِيهِ اسْمُكَ الْأَكْبَرُ وَ أَسْمَاؤُكَ الْحُسْنَى وَ مَا يُخَافُ وَ يُرْجَى أَنْ تَجْعَلَنِي مِنْ عُتَقَائِكَ مِنَ النَّارِ

(Tərcüməsi:)
«İlahi, həqiqətən mən Səndən istəyirəm və Səni and verirəm Sənin nazil olunan kitabına və onun içindəkilərə–onun içində Sənin ən böyük adın və ən gözəl adların, qorxudan və ümüdverici şeylər var–ki, məni cəhənnəm odundan azad olunmuşlardan qərar verəsən.»

4. Bütün cüz`lər olan Qur`anı başın üzərinə qoyub deyərsən:

اللَّهُمَّ بِحَقِّ هَذَا الْقُرْآنِ وَ بِحَقِّ مَنْ أَرْسَلْتَهُ بِهِ وَ بِحَقِّ كُلِّ مُؤْمِنٍ مَدَحْتَهُ فِيهِ‏وَ بِحَقِّكَ عَلَيْهِمْ فَلاَ أَحَدَ أَعْرَفُ بِحَقِّكَ مِنْكَ‏

(Tərcüməsi:)
İlahi, Səni and verirəm bu Qur`anın həqqinə və and verirəm o kəsin həqqinə ki, bu Qur`anı ona göndərmisən və and verirəm hər mö`min şəxsin həqqinə ki, onları Qur`anda mədh etmisən və and verirəm Sənin onlar üzərindəki haqqına, Sənin haqqına Səndən artıq agah olan bir kəs yoxdur.

Sonra 10 dəfə deyirsən:

بِكَ
يَا اللَّه

«Bikə ya Allah»
(Səni and verirəm özünə, ey Allah!);

10 dəfə deyirsən:

‏بِمُحَمَّدٍ

«Bi Muhəmmədin»
(İlahi, Səni and verirəm Muhəmməd (səlləllahu əleyhi və alihi və səlləm)-in həqqinə)

10 dəfə deyirsən:

‏بِعَلِيٍ‏

«Bi Əliyyin»
(İlahi, Səni and verirəm Həzrəti Əli (əleyhissalam)-ın həqqinə);

10 dəfə deyirsən:

‏بِفَاطِمَةَ

«Bi Fatimətə»
(İlahi, Səni and verirəm Həzrəti Fatimə (əleyha salam)-ın həqqinə);

10 dəfə deyirsən:

‏بِالْحَسن

<

(İlahi, Səni and verirəm Həzrəti İmam Həsən (əleyhissalam)-ın həqqinə);

10 dəfə deyirsən:

‏بِالْحُسَيْنِ‏

«Bil-Hüseyni»
(İlahi, Səni and verirəm Həzrəti Hüseyn (əleyhissalam)-ın həqqinə);

10 dəfə deyirsən:

بِعَلِيِّ بْنِ الْحُسَيْنِ

«Bi Əliyyibnil-Hüseyni»
(İlahi, Səni and verirəm Əliyyibnil-Hüseyn (əleyhissalam)-ın həqqinə);

10 dəfə deyirsən:

‏بِمُحَمَّدِ بْنِ عَلِيٍ‏

«Bi Muhəmməd ibni Əliyyin»
(İlahi, Səni and verirəm Həzrəti Muhəmməd ibni Əli (əleyhissalam)-ın həqqinə);

10 dəfə deyirsən:

‏بِ
جَعْفَرِ بْنِ مُحَمَّدٍ

«Bi Cə`fər ibni Muhəmmədin»
(İlahi, Səni and verirəm Həzrəti Cə`fər ibni Muhəmməd (əleyhissalam)-ın həqqinə);

10 dəfə deyirsən:

‏بِمُوسَى بْنِ جَعْفَرٍ

«Bi Musəbni Cə`fərin»
(İlahi, Səni and verirəm Həzrəti Musəbni Cə`fər (əleyhissalam)-ın həqqinə);

10 dəfə deyirsən:

‏بِعَلِيِّ بْنِ مُوسَى‏

«Bi Əliyyibni Musa»
(İlahi, Səni and verirəm Həzrəti Əliyyibni Musa (əleyhissalam)-ın həqqinə);

10 dəfə deyirsən:

‏بِمُحَمَّدِ بْنِ عَلِيٍ‏

«Bi Muhəmməd ibni Əliyyin»
(İlahi, Səni and verirəm Həzrəti Muhəmməd ibni Əlinin həqqinə);

10 dəfə deyirsən:

‏بِعَلِيِّ بْنِ مُحَمَّدٍ

«Bi Əliyyibni Muhəmmədin»
(İlahi, Səni and verirəm Həzrəti Əliyyibni Muhəmməd (əleyhissalam)-ın həqqinə);

10 dəfə deyirsən:

‏بِالْحَسَنِ بْنِ عَلِيٍ‏

«Bil-Həsən ibni Əliyyin»
(İlahi, Səni and verirəm (Həzrəti Həsən ibni Əli (əleyhissalam)-ın həqqinə);

10 dəfə deyirsən:

‏بِالْحُجَّةِ

«Bil-Höccəti»
(İlahi, Səni and verirəm Həzrəti Höccət ibnil-Həsən (əleyhissalam)-ın həqqinə);
Sonra öz istək və hacətlərini Allahdan istə ki, inşallah Allah dərgahında qəbul olunar.

5. İmam Hüseyn (əleyhissalam)-ı ziyarət etməli.

6. Bu gecələri ehya keçirməli. Rəvayətdə gəlib ki, Qədr gecəsini ehya keçirən şəxsin bütün günahları bağışlanır, hətta əgər göyün ulduzlarının sayı, dağların ağırlığı, dəryaların suyu qədər günahı olsa da belə.

7. Allahın min şərəfli adı olan Coşən kəbir duasını oxumaq.

8. 100 rük`ət namaz qılsın ki, çoxlu fəziləti vardır.

21-Cİ GECƏNİN ƏMƏLLƏRİ

21-ci gecənin fəziləti 19-cu gecənin fəzilətindən artıqdır. Bu gecə də qüsl etməli, gecəni ehya saxlamalı, ziyarət oxumalı, 7 «Qul huvəllah» ilə 2 rük`ət namaz qılmalı, Qur`anı başda tutma əməlini duaları ilə birlikdə yerinə yetirməli, 100 rük`ət namaz qılmalı, «Covşən kəbir» duası və sair duaları oxumalı.

23-CÜ GECƏNİN ƏMƏLLƏRİ

Çoxlu hədislərdən mə`lum olur ki, Qədr gecəsi bu gecədir. Bu gecədə bütün aləmin işləri İlahi hikmət mizanında müqəddər olur. Bu gecə keçən Qədr gecələrindəki əməllər eyniylə təkrar olunur. Bunlardan əlavə, bir neçə əməli də etmək yaxşıdır:

1-«Ənkəbut» surəsini oxumaq,

2-«Ha mim» (Duxan) surəsini oxumaq,

3-«Qədr» surəsini min dəfə oxumaq,

4-Bu duanı bu gecə təkrar etmək:

اللَّهُمَّ كُنْ لِوَيِّكَ الْحُجَّةِ بْنِ الْحَسَنِ صَلَوَاتُكَ عَلَيْهِ وَ عَلَى آبَائِهِ‏ فِي هَذِهِ السَّاعَةِ وَ فِي كُلِّ سَاعَةٍ وَلِيّاً وَ حَافِظاً وَ قَائِداً وَ نَاصِراً وَ دَلِيلاً وَ عَيْناً حَتَّى تُسْكِنَهُ أَرْضَكَ طَوْعاً وَ تُمَتِّعَهُ فِيهَا طَوِيلا

(Tərcüməsi:)
İlahi, Öz vəli və dostun Höccət ibnil-Həsən (Sənin salavatın ona və onun ata-babalarına olsun) üçün bu saatda və hər saatlarda qəyyum, hafiz, rəhbər, köməkçi, yolgöstərən, keşikçi olub yer üzündə camaatın ona rəğbət bəslədiyi halda məskunlaşdır ki, uzun müddət onu (ne`mətlərindən) bəhrələndirəsən.

5-Qürub zamanı edilən qüsldən başqa, gecənin axırında da bir qüsl almalı.

2006-10-09T11:08:00.000-07:00

Diqqət! Diqqət!

Əziz möminlər! Artiq sizi maraqlandıran etiqadi suallarınız cavabsız qalmayacaq. Bu növ suallarınızı www.erfan.ir saytının Azəri bölməsi ən qısa zamanda cavablandıracaq. Xatırladaq ki, suallar görkəmli mutəfəkkir və din xadimi Hüseyn Ənsariyanin nəzarəti ilə cavablandırılacaq.

İMAM HƏSƏNİN MÖVLUDU

2006-10-09T10:58:00.000-07:00

Əziz müsəlmanlar! Sizi vilayət səmasının ikinci parlaq ulduzu, İslam peyğəmbəri həzrət Məhəmmədin (s) sevimli nəvəsi, həzrət Əli (ə) və Fatimənin (s) əziz övladı İmam Həsən Muctəbanın (ə) mövludu münasibəti ilə təbrik edirik!

RAMAZAN HEDIYYESI

2006-10-05T10:23:00.000-07:00

Qelbimiz bu mubarek ayda gul kimi etirli, su kimi pak olsun!

2006-10-05T03:54:00.000-07:00

Ramazan ayinin əməllari

İmam Sadiq (ə) buyurur:

“Ramazan ayında bağışlanmayan, gələn ilə qədər bağışlanmaz. Ancaq Ərəfədə olsa (bu zaman bağışlanar).”

Mübarək Ramazan ayı dua və ibadət ayıdır. İnsan gərək bu ayda çoxlu dua və ibadət etməklə günahlarının bağışlanmasına müvəffəq olsun və Allahın rəhmətini qazansın. Çünki İslam Peyğəmbəri (s) buyurub:

“Bədbəxt və bəd aqibət o kəsdir ki, bu ayda Allahın bağışlamasından məhrum qala”

Bu üzdən İslam dinində bu ay üçün çoxlu dua və əməllər vardır ki, bunların da bəzisini nəzərinizə çatdırırıq.

Ramazan ayının GECƏLƏRİNDƏ yerinə yetirilən əməllər
1. İftar etmək.

Yaxşı olar ki, (müstəhəbdir) şam namazından sonra iftar edilsin. Ancaq çox zəifləsə və ya onu gözləsələr əvvəl iftar edilib, sonra namaz qılınar.

2. Pak, halal, haram şübhəsi olmayan yeməklərlə iftar etmək.

Yaxşı olar ki, halal xurma və ya su ilə iftar açılsın.

3. İftar vaxtı dua oxumaq.

Əgər bu duanı oxusa Allah ona, bu gündə oruc tutanın savabını verər:

“Allahummə ləkə sumtu və əla rizqikə əftərtu və əleykə təvəkkəltu” (İlahi, sənin üçün oruc tutdum, sənin ruzinlə iftar etdim və sənə təvəkkül etdim).

Və birinci loxmada bu sözləri desin ki, Allah da onun günahlarını bağışlasın:

“Bismillahir rəhmanir rəhim. Ya vasiəl məğfirəti iğfirli” (Rəhmli və mərhəmətli Allahın adı ilə. Ey bağışlaması geniş olan Allahım, məni bağışla).

4. İftar vaxtı Qədr surəsini oxumaq:

“Bismilləhir rəhmanir-rəhim. İnna ənzəlnəhu fi leylətil qədr. Vəma ədrakə ma leylətul qədr. Leylətul qədri xeyrun min əlfi şəhr. Tənəzzəlul məlaikətu vər-ruhu fiha biizni rəbbihim min kulli əmr. Səlamun hiyə hətta mətləil fəcr” (Rəhimli və mərhəmətli Allahın adı ilə. Həqiqətən biz Qur’anı qədr gecəsi nazil etdik. (Ya peyğəmbər) qədr gecəsinin nə olduğunu bilirsənmi? Qədr gecəsi (savab cəhətdən) min aydan daha xeyrlidir. O gecə mələk və Ruh (Cəbrail) Rəbbimin izni ilə hər bir işdən ötrü yerə enərlər. O gecə dan yeri sökülənə kimi salamatlıq, əmin amanlıqdır)

5. Əgər mümkün olsa iftar vaxtı bir içim su və bir neçə xurma olsa belə, sədəqə və iftar vermək.

Peyğəmbər (s)-dən rəvayət olunur ki, hər kim oruclu birisinə iftar versə, onun üçün də oruc tutanın savabı yazılar və iftar edənin o yeməyin qüvvətilə etdiyi hər bir yaxşı əməl ona da yazılar. (Ancaq bununla belə onun boynundan oruc tutmaq vəzifəsi götürülməz, onun özünün də oruc tutması vacibdir)

6. Rəvayətdir ki, Ramazan ayının hər gecəsi bu duanı oxuyanın qırx illik günahı bağışlanar.

“Allahummə rəbbə şəhri ramazan əlləzi ənzəltə fihil Qur’an vəftərəztə əla ibadikə fihis-siyam səlli əla Muhəmmədin və ali Muhəmməd vərzuqni həccə beytikəl həram fi ami haza və fi kulli amin vəğfirli tilkəz zünubəl izam fəinnəhu la yəğfiruha ğeyrukə ya Rəhmanu ya Əllam” (Ey Allahım, ey Ramazan ayının Rəbbi və bu Ramazan ayı elə bir aydır ki, bu ayda Qur’an nazil edilib, bu ayda oruc tutmağı bəndələrinə vacib etmisən. Peyğəmbər və onun ailəsinə salam və rəhmət göndər və bu ildə və hər bil ildə öz evinin ziyarətini mənə nəsib et və mənim böyük günahlarımı bağışla. Çünki, bu günahları səndən başqası bağışlaya bilməz, ey Rəhimli və xəbərdar olan Allahım)

7. Müstəhəbdir ki, Ramazan ayının hər bir gecəsi iki rikət namaz qılına və hər rikətdə bir dəfə həmd və üç dəfə ixlas surəsi oxuna.

Namazın salamını verdikdən sonra bu dua oxunur:

“Subhanə mən huvə həfiz la yəğful. Subhanə mən huvə rəhim la yəc’əl. Subhanə mən huvə qaim la yəshu. Subhanə mən huvə daim la yəlhu” (Pakdır o Allah ki, qəflətdə olmadan hifz edəndir. Pakdır o Allah ki, (əzab verməkdə) tələsmədən rəhm edəndir. Pakdır o Allah ki, yaddan çıxmadan həmişə sabitdir. Pakdır o Allah ki, daimidir, boş və ləğv işlərdən uzaqdır).

Bu duadan sonra 7 dəfə təsbiati ərbəə deyilir.

(Yəni, “Subhanallahi vəlhəmdu lillahi və la ilahə illəllahu vəllahu əkbər”)

Sonra deyilir (1 dəfə):

“Sübhanəkə, sübhanəkə, sübhanəkə ya əzim iğfirliyəz-zənbəl-əzim” (Paksan sən, paksan sən, paksan sən ey əzəmətli Allah, mənim böyük günahlarımı bağışla).

Və bu duadan sonra da 10 dəfə salavat deyilir.

(Allahummə səlli əla Mühəmmədin və ali Mühəmməd)

Allah bu iki rikət namazı qılanın 70 min günahını bağışlayar. İnşallah.

2006-10-01T06:32:00.000-07:00

AYƏTULLAH ƏL-UZMA MƏHƏMMƏD FAZIL LƏNKƏRANI
ORUCUN HÖKMLƏRİ
Məsələ: 1626. Oruc o əməldir ki, insan Allah-Taalanın fərmanını yerinə yetirmək üçün sübh azanından məğribə qədər orucu batil edən şeylərdən (onların şərhi sonradan gələcək) pəhriz etsin.
NİYYƏT
Məsələ: 1627. İnsanın oruc niyyətini qəlbindən keçirtməsi, yaxud “sabah oruc tuturam” deməsi vacib deyil. Hətta əgər Allahın əmrini yerinə yetirmək üçün sübh azanından məğribə qədər orucu batil edən işləri görməsə kifayətdir. Bu müddətin hamısında oruc olduğunu yəqin etmək üçün bir az sübh azanından qabaq, həmçinin bir az məğribdən sonra orucu batil edən işlərdən çəkinməlidir.
Məsələ: 1628. Vaxtı müəyyən olan vacib orucda (Ramazan ayının orucu kimi) gecənin əvvəlindən sübh azanına qədər hər vaxt sabahkı günün orucunun niyyətini etsə eybi yoxdur. Əgər Ramazan ayı, yaxud vaxtı müəyyən olan başqa vacibi orucda bilməsə, yaxud unutsa və zöhrdən qabaq yadına düşsə, bu halda orucu batil edən işlərdən görməyibsə, niyyət etməlidir, orucu da səhihdir; yox əgər orucu batil edən işlərdən görmüş olsa, yaxud zöhrdən sonra yadına düşsə, orucu batildir, lakin məğribə qədər orucu batil edən işləri görməməli, sonradan isə həmin orucun qəzasını tutmalıdır.Müstəhəb orucun vaxtı isə gecənin əvvəlindən məğribə, niyyət etmək üçün vaxt qalana qədərdir ki, əgər bu vaxta qədər orucu batil edən işlərdən görməsə və müstəhəb oruc niyyəti etsə, orucu səhihdir.
Məsələ: 1629. Sübh azanından qabaq oruc niyyəti etmədən yatan bir şəxs zöhrdən qabaq oyanıb niyyət etsə–istər vacib olsun istərsə də müstəhəb–orucu səhihdir. Amma əgər zöhrdən sonra oyansa vacibi oruc niyyəti edə bilməz.
Məsələ: 1630. Əgər Ramazan ayından başqa bir orucu tutmaq istəsə gərək onu müəyyənləşdirsin. Məsələn, “qəza orucu, yaxud nəzir orucu tuturam”, deyə niyyət etsin. Amma Ramazan ayınında “bu ayın orucunu tuturam”, deyə niyyət etməsi vacib deyil. Hətta əgər Ramazan ayı olduğunu bilməsə və ya unudub başqa bir oruc niyyəti etsə də onun orucu Ramazan ayının orucu hesab olunur.
Məsələ: 1631. Əgər bir kəs Ramazan ayı olduğunu bilsə və qəsdən Ramazan ayından başqa orucu niyyət etsə, onun orucu nə Ramazan ayının orucu hesab olunur, nə də niyyət etdiyi oruc.
Məsələ: 1632. Əgər sübh azanından qabaq niyyət edib məst olsa və günün əsnasında huşa gəlsə, ehtiyat-vacibə görə o günün orucunu axıra çatdırıb sonradan qəzasını da yerinə yetirməlidir.
Məsələ: 1633. Əgər sübh azanından qabaq niyyət edib huşdan getsə və gün əsnasında huşa gəlsə, ehtiyat-vacibə görə o günün orucunu tamamlamalıdır. Əgər tamamlamasa, gərək qəzasını yerinə yetirsin.
Məsələ: 1634. Əgər sübh azanından qabaq niyyət edib yatsa və məğribdən sonra oyansa orucu səhihdir.
Məsələ: 1635. Əgər məsələn, Ramazan ayının birinci gününün niyyəti ilə oruc tutub sonradan ikinci, yaxud üçüncü gün olduğunu başa düşsə orucu səhihdir.
Məsələ: 1636. Əgər Ramazan ayı olduğunu bilməsə, yaxud unutsa və günortadan qabaq başa düşsə, bu halda orucu batil edən işlərdən görməyibsə, niyyət etməlidir, orucu da səhihdir; yox əgər orucu batil edən işlərdən görmüş olsa, yaxud zöhrdən sonra Ramazan ayı olduğunu başa düşsə, orucu batildir, lakin məğribə qədər orucu batil edən işləri görməməli, Ramazan ayından sonra isə qəzasını tutmalıdır.
Məsələ: 1637. Uşaq Ramazan ayının sübh azanından qabaq həddi-büluğa çatsa oruc tutmalıdır. Amma əgər sübh azanından sonra həddi-büluğa çatsa, o günün orucu ona vacib deyil.
Məsələ: 1638. Meyyitin orucunun qəzasını tutmaq üçün əcir tutulan bir şəxs əgər müstəhəb oruc tutsa eybi yoxdur. Amma qəza orucu olan bir şəxs müstəhəb oruc tuta bilməz. Başqa vacibi orucun qəzası olsa, ehtiyat-vacibə görə müstəhəb oruc tuta bilməz. Əgər unutsa və müstəhəb oruc tutsa, bu halda zöhrdən qabaq yadına düşsə müstəhəb orucu pozulur və öz niyyətini vacibi oruc niyyətinə döndərə bilər; yox əgər zöhrdən sonra başa düşsə orucu batil, məğribdən sonra yadına düşsə səhihdir.
Məsələ: 1639. Əgər kafir Ramazan ayında zöhrdən qabaq müsəlman olsa və sübh azanından həmin vaxta qədər orucu batil edən işlərdən görməmiş olsa, ehtiyat-vacibə görə gərək niyyət edib oruc tutsun; əgər tutmasa, qəzasını etsin.
Məsələ: 1640. Əgər xəstə Ramazan ayı günortadan qabaq sağalsa və sübh azanından o vaxta qədər orucu batil edən işlərdən görməmiş olsa oruc niyyəti edib o günü oruc tutmalıdır. Amma zöhrdən sonra sağalsa, o günün orucu ona vacib deyil.
Məsələ: 1641. İnsan Ramazan ayının hər gecəsində onun sabahının orucu üçün niyyət edə bilər. Daha yaxşı olar ki, ayın ilk gecəsi də bütün ayın orucunu niyyət etsin.
Məsələ: 1642. İnsan Şə”banın axırı, yaxud Ramazanın əvvəli olmasında şəkk etsə, oruc tutması vacib deyil. Amma oruc tutmaq istəsə, Ramazan ayının orucunun niyyətini edə bilməz. Qəza və s. kimi orucların niyyətini etsə və sonradan Ramazan ayı olduğu mə”lum olsa Ramazan ayının orucundan hesab olunur.
Məsələ: 1643. Şə”banın axırı, yaxud Ramazanın əvvəli olmasında şəkk etdiyi halda qəza, müstəhəb və bu sair kimi oruc tutub günün əsnasında–hətta zöhrdən sonra Ramazan olduğunu başa düşsə, onun orucunu niyyət etməlidir. Amma Ramazan ayı niyyəti ilə oruc tutsa, hətta əgər həqiqətdə Ramazanda vaqe olsa da batildir.
Məsələ: 1644. Əgər bir kəs vaxtı müəyyən olan vacibi orucda (məsələn, Ramazan ayının orucunda) oruc tutmaq niyyətindən dönsə orucu batildir. Amma orucu batil edən işlərdən görməyi niyyət edib görməsə orucu səhihdir.Həmçinin müstəhəb və vaxtı müəyyən olmayan vacibi orucda zöhrdən əvvəl yenidən oruc niyyəti etsə orucu səhihdir.
ORUCU BATİL EDƏN ŞEYLƏR
Məsələ: 1645. On şey orucu batil edir: 1-Yemək; 2-İçmək; 3-Cima; 4-İstimna (istimna–məninin xaric olmasına səbəb olan müəyyən bir iş görmək); 5-Allah, Peyğəmbər (səlləllahu əleyhi və alihi və səlləm) və onun canişinlərinin (əleyhimüs-salam) adından yalan demək; 6-Qəliz tozu boğaza çatdırmaq; 7-Başın hər yerini suya batırmaq; 8-Sübh azanına qədər cənabət, heyz və nifas halında qalmaq; 9-Axıcı (maye) şeylərlə imalə etmək; 10-Qusmaq. (Bunların hər birinin hökmü sonrakı məsələlərdə gələcək.)
1 VƏ 2–YEMƏK VƏ İÇMƏK
Məsələ: 1646. Əgər oruc tutan şəxs qəsdən bir şey yesə və ya içsə orucu batil olur–istər o şeyin yeyilib-içilməsi adət olsun (çörək və su kimi), istərsə də adət olmasın (torpaq, ağacın şirəsi kimi); istər az olsun, istərsə də çox, hətta əgər sapı ağzının suyu ilə isladıb yenidən ağzına qoyaraq rütubətini udsa orucu batil olur. Həmçinin diş fırçasının rütubəti də bu qayda ilə. Amma əgər onların rütubəti ağzının suyunda aradan getsə və ona xarici rütubət deyilməsə (batil etmir). Həmçinin, dişlərin dibindən çıxan yemək qalıqlarını udmaq orucu batil edir.
Məsələ: 1647. Əgər oruc tutan şəxs səhvən bir şey yesə və ya içsə orucu batil olmaz.
Məsələ: 1648. Oruc tutan şəxs qida maddələri əvəzindən iynə vurdurmaqdan çəkinməlidir. Amma bədən üzvlərini keyləşdirən, yaxud dəva-dərman yerinə istifadə olunan ampullardan istifadə etməyin maneəsi yoxdur.
Məsələ: 1649. Əgər bir kəs yemək əsnasında sübhün açıldığını başa düşsə ağzındakı tikələri çıxarmalıdır. Əgər qəsdən udsa orucu batildir və sonrakı deyləcək göstərişlərə əsasən kəffarə də vacibdir.
Məsələ: 1650. Əgər oruc tutan şəxs həddindən artıq susuz olsa və susuzluqdan ölüm təhlükəsi gözlənilsə, ölümdən nicat tapacaq qədər su içə bilər, lakin orucu batil olur. Əgər bu iş Ramazan ayında baş versə, günün qalan hissəsində orucu batil edən işlərdən çəkinməlidir.
Məsələ: 1651. Oruc tutmaq istəyən bir kəsin azandan qabaq dişlərini yuması, hətta dişlərin dibində qalan yemək qalıqlarının gündüz boğazına gedəcəyinə ehtimal versə də vacib deyil. Amma əgər dişinin dibində qalan qida qalıqlarının boğazına gedəcəyini bilsə, bu halda dişlərini təmizləməsə, orucu batil olar: İstər o şey boğazına getsin, istərsə də getməsin.
Məsələ: 1652. Ağız suyunu udmaq–hətta əgər turşluq və s.-ni xəyala gətirməklə də ağıza yığılsa, orucu batil etmir.
Məsələ: 1653. Başdan, sinədən gələn suyu (bəlğəm və burun suyunu), qədər ki, ağızın fəzasına çatmayıb udmağın eybi yoxdur. Amma ağızın fəzasına daxil olsa, ehtiyat-vacibə görə gərək onu udmasın.
Məsələ: 1654. Quş və ya uşaq üçün yeməyi çeynəmək, yeməyin dadına baxmaq və adətən boğaza çatmayan bu kimi işlərdə təsadüfən boğaza çatsa, oruc batil olmur. Amma əgər insan əvvəldən onun, boğaza çatacağını bilsə, bu halda boğazına getsə orucu batil olur. Onun qəzasını tutmalıdır, kəffarə də verməlidir.
Məsələ: 1655. İnsan zəifliyə görə orucunu yeyə bilməz. Amma onun zəifliyi həddindən artıq olsa və adətən dözə bilməsə orucu yeməsinin eybi yoxdur.
3-CİMA
Məsələ: 1656. Cima–istər qabaqdan olsun, istərsə də arxadan; istər kiçik olsun, istərsə də böyük–cima edənin və olunanın hər ikisinin orucunu batil edir. Hərçənd dəllək kəsən yerə qədər daxil olsa da və məni gəlməsə də belə. Amma dəllək kəsən yerdən az daxil olsa və məni gəlməsə oruc batil olmur. Aləti kəsik olan bir kəs dəllək kəsilən yerə qədər daxil etsə və “daxil etmişdir” deyilsə, orucu batildir.
Məsələ: 1657. Əgər bir kəs oruc olduğunu unudub cima etsə, yaxud yuxuda cima etsə, və ya onu cimaya məcbur etsələr, orucu batil olmaz. Amma cima əsnasında yadına düşsə (birinci halda), yaxud daha bu işə məcbur olmasa, dərhal cima halından çıxmalıdır. Əgər çıxmasa, orucu batildir.
Məsələ: 1658. Əgər dəllək kəsən yerə qədər daxil olub-olmamasında şəkk etsə, orucu səhihdir. Aləti kəsik olan şəxs duxul olub-olmamasında şəkk etsə, orucu səhihdir.
4-İSTİMNA
Məsələ: 1659. Əgər oruc tutan şəxs istimna etsə, (yə”ni özü ilə məninin xaric olmasına səbəb olan bir iş görsə), orucu batildir. Amma əgər məni ixtiyarsız olaraq gəlsə, oruc batil deyil. Lakin bir iş görsə və məni ixtiyarsız xaric olsa, orucu batildir.
Məsələ: 1660. Əgər oruc tutan şəxs gündüz yatarsa möhtəlim olacağını (yuxuda məni xaric olacağını) bilsə yata bilər. Əgər yatsa və möhtəlim olsa, orucu səhihdir. Xüsusilə də əgər yuxunu tərk etmək ona məşəqqəti olsa (yata bilər).
Məsələ: 1661. Oruc tutan şəxs möhtəlim olsa qusuldan qabaq bovl edib (əvvəllər deyilən qaydada) istibra edə bilər. Amma əgər qusul edəndən sonra bovl, yaxud istibra edəcəyi halda məcrada qalan məninin çölə gələcəyini bilsə, onda istibra edə bilməz. Əgər oruc tutan şəxs məni gələn vaxt yuxudan oyansa onun qarşısını alması vacib deyil.
Məsələ: 1662. Oruc tutan şəxs möhtəlim olsa və məninin məcrada qaldığını bilib qusuldan qabaq bovl etməsə və qusuldan sonra məni gəlsə, yaxşı olar ki, qusuldan əvvəl bovl etsin.
Məsələ: 1663. Əgər məninin çölə gəlməsi məqsədi ilə müəyyən bir iş görsə, amma məni gəlməsə , orucu batil olmaz.
Məsələ: 1664. Əgər oruc tutan şəxs məninin çölə gəlməsi qəsdi olmadan bir kəslə oynasa və ya zarafat etsə, bu halda onun adəti bu cür işlərlə məninin çölə gəlməsi olarsa və məni xaric olsa, orucu batildir; yox əgər adəti bu cür işlərlə məninin ondan xaric olması deyilsə və təsadüfən xaric olsa, yenə də orucu batildir. Amma əgər məninin ondan xaric olmayacağına xatircəm olsa, batil deyildir.
5-ALLAHIN VƏ PEYĞƏMBƏRIN ADINDAN YALAN DANIŞMAQ
Məsələ: 1665. Əgər oruc tutan şəxs Allah, Peyğəmbər (səlləllahu əleyhi və alihi və səlləm) və o həzrətin canişinlərinin (əleyhimüs-salam) adından demək, yazmaq, işarə etmək və s. kimi işlərlə yalan desə, hətta əgər dərhal “yalan deyirəm” desə və ya tövbə etsə də, orucu batildir. Ehtiyat-vacib budur ki, sair peyğəmbərlər və onların canişinləri, habelə, həzrət Zəhra (əleyha salam) da bu hökmdə eynilədir.Məsələ: 1666. Əgər səhih və ya yalan olduğunu bilmədiyi bir hədisi nəql etmək istəsə, ehtiyat-vacibə görə o xəbəri deyən kəsdən, yaxud nəql etdiyi kitabdan nəql etsin. Lakin əgər özü də yüz faizlik xəbər versə və onun yalan olmasına zənn, yaxud ehtimal versə də belə orucu batil olmur.
Məsələ: 1667. Əgər bir şeyin düzlüyünə e”tiqad bəsləyərək Allahın və ya Peyğəmbərin adından nəql etsə, sonra isə yalan olduğunu başa düşsə, orucu batil olmaz.
Məsələ: 1668. Əgər Allah və Peyğəmbərin adından yalan deməyin orucu batil etdiyini bilsə və yalan hesab etdiyi bir şeyi onlara aid edib sonradan düz olduğunu başa düşsə, orucu səhihdir.
Məsələ: 1669. Əgər başqasının quraşdırdığı yalan xəbəri Allaha, Peyğəmbərə və onların canişinlərinin adından desə, orucu batildir. Amma əgər o yalanı quraşdıran kəsin adından nəql etsə, eybi yoxdur.
Məsələ: 1670. Əgər oruc tutan şəxsdən “Peyğəmbər (səlləllahu əleyhi və alihi və səlləm) filan şeyi buyurub ya yox?” deyə soruşsalar və o “yox” deməli olduğu halda qəsdən “bəli” desə, yaxud əksinə, “bəli” deməli olduğu yerdə qəsdən “yox” desə, orucu batil olur.
Məsələ: 1671. Əgər Allah və ya Peyğəmbərin adından düz bir şey deyib sonradan “yalan deyirəm” desə, yaxud gecə hər hansı bir yalanı onların adından deyib sabahı gün oruc halında “dünən dediyim düzdür” desə, orucu batil olur.
6-QƏLİZ TOZU BOĞAZA ÇATDIRMAQ
Məsələ: 1672. Qəliz (qatı) tozu boğaza çatdırmaq–istər həmin qəliz şeyin yeyilməsi halal olsun (un kimi), istərsə də haram (torpaq və s. kimi) olsun, orucu batil edir.
Məsələ: 1673. Ehtiyat-vacib budur ki, oruc tutan şəxs, qəliz buxarı, siqaret və tənbəki və s. kimi şeylərin də tüstüsünü boğazına çatdırmasın.
Məsələ: 1674. Əgər bir kəs özünü gözləməsə və toz, buxar, tüstü və s. kimi şeylər boğazına daxil olsa, bu halda əgər boğaza çatmayacağına xatircəm imişsə, orucu səhihdir. Əgər oruc olduğunu unudub özünü gözləməsə və ya ixtiyarsız olaraq toz və s. kimi şeylər boğazına çatsa, eybi yoxdur.
7-BAŞI SUYA SALMAQ
Məsələ: 1675. Əgər oruc tutan şəxs başının hər yerini qəsdən suya batırsa, hətta bədəni sudan çöldə olsa da, ehtiyat-vacibə görə o orucun qəzasını tutmalıdır. Amma əgər bədəninin hamısı suyun altında, başının bir qədəri isə çöldə olsa, oruc batil olmaz.
Məsələ: 1676. Əgər əvvəlcə başın bir yarısını, sonra isə o biri yarısını suya batırsa, orucu batil olmaz.
Məsələ: 1677. Əgər başının hamısının suyun altına girib-girməməsində şəkk etsə, orucu səhihdir.
Məsələ: 1678. Əgər başın hamısı suyun altına batsa, amma tüklərin bir miqdarı çöldə qalsa, oruc batildir.
Məsələ: 1679. Ehtiyat-vacib budur ki, başı gülaba da batırmasınlar. Amma sair muzaf sulara və maye şeylərə batırmağın eybi yoxdur.
Məsələ: 1680. Əgər oruc tutan şəxs ixtiyarsız olaraq suya düşsə və başının hamısı suya batsa;, yaxud oruc olduğunu unudub başını suya batırsa orucu batil olmaz.
Məsələ: 1681. Əgər bir kəs suya düşəndə adətən başı suyun altına gedirsə, bu halda bu məsələni nəzərə alaraq özünü suya atsa və başı suyun altına getsə orucu batil olur.
Məsələ: 1682. Əgər oruc olduğunu unudub başını suya batırsa, yaxud bir kəs zorla onun başını suya batırsa, bu halda suyun altında oruc olması yadına düşsə və ya məcbur edən kəs əl çəksə dərhal başını sudan çıxartmalıdır. Əgər sudan çıxartmasa orucu batildir.
Məsələ: 1683. Əgər bir kəs oruc olduğunu unudub qusul niyyəti ilə başını suya batırsa, orucu və quslu səhihdir.
Məsələ: 1684. Əgər oruc olduğunu bilib qusul üçün qəsdən başını suya batırsa, bu halda əgər onun orucu Ramazan ayının orucu kimi vaxtı müəyyəndirsə, ehtiyat-vacibə görə quslu yenidən alıb, orucunu da qəza etməlidir. Amma əgər müstəhəb, yaxud kəffarə orucu kimi vaxtı müəyyən olmayan başqa oruc tutmuş olsa quslu səhih, orucu isə batildir.
Məsələ: 1685. Əgər suda boğulan bir kəsi xilas etmək niyyəti ilə suya cumsa, ona nicat verməyin vacib olmasına baxmayaraq, orucu batildir.
8-SÜBH AZANINA QƏDƏR CƏNABƏT, HEYZ VƏ NİFAS HALINDA QALMAQM
əsələ: 1686. Əgər cünub şəxs qəsdən sübh azanına qədər qusul etməsə, yaxud vəzifəsi təyəmmüm olduğu halda qəsdən təyəmmüm etməsə orucu batildir.
Məsələ: 1687. Əgər Ramazan ayının orucu kimi vaxtı müəyyən olan vacibi orucda sübh azanına qədər qusul almasa və təyəmmüm də etməsə, amma bu işlər qəsdən olmasa (məsələn, başqası onu qusul, təyəmmüm etməyə qoymasa) orucu səhihdir.
Məsələ: 1688. Cünub olan və Ramazan ayı kimi vaxtı müəyyən olan vacibi oruc tutmaq istəyən bir kəs, qəsdən qusul etməsə və vaxtı azalsa təyəmmüm ilə oruc tuta bilər, orucu da səhihdir.
Məsələ: 1689. Əgər cünub olan şəxs Ramazan ayında quslu unutsa və bir gündən sonra yadına düşsə, həmin günün qəzasını etməlidir; əgər bir neçə gündən sonra yadına düşsə, cünub olduğuna yəqini olan hər günün qəzasını etməlidir. Məsələn, əgər üç, ya dörd gün cünub olduğunu bilsə üç günün orucunu qəza etməlidir.
Məsələ: 1690. Ramazan ayının gecəsində qusul və təyəmmümün heç biri üçün vaxtı olmayan bir kəs, özünü cünub etsə orucu batildir, qəzası və kəffarəsi də vacibdir. Amma əgər təyəmmüm üçün vaxtı olan halda özünü cünub etsə təyəmmüm ilə orucu səhihdir. Günahkar da hesab olunmur.
Məsələ: 1691. Bir kəs Ramazan ayının gecəsində cünub olsa və yatacağı halda sübhə qədər oyana bilməyəcəyini bilsə yatmamalıdır. Əgər yatsa və sübhə qədər oyanmasa, orucu batildir. Qəza və kəffarə də vacibdir.
Məsələ: 1692. Əgər cünub olan şəxs Ramazan ayının gecəsində yatıb sonra ayılsa, bu halda əgər yenidən yatarsa qusul üçün oyanacağına ehtimal versə və adətən də oyanırsa, yata bilər.
Məsələ: 1693. Ramazan ayının gecəsində cünub olan şəxs bilsə, yaxud ehtimal versə ki, yatsa sübh azanından qabaq oyanacaq, bu halda oyanandan sonra qusul alacağını qərara alsa və bu niyyətlə yatıb azana qədər yuxuya qalsa orucu səhihdir.
Məsələ: 1694. Ramazan ayının gecəsində cünub olan şəxs bilsə, yaxud ehtimal versə ki, yatsa sübh azanından qabaq oyanacaqdır, bu halda oyandıqdan sonra qusul edəcəyindən qafil olub yatsa və sübh azanına qədər yuxuya qalsa orucu səhihdir.
Məsələ: 1695. Ramazan ayının gecəsində cünub olan kəs bilsə, yaxud ehtimal versə ki, yatsa sübh azanından qabaq oyanacaq, bu halda oyandıqdan sonra qusul etmək istəməsə, yaxud qusul edib-etməyəcəyində tərəddüd edib yatsa və oyanmasa, orucu batildir.
Məsələ: 1696. Əgər cünub şəxs Ramazan ayının gecəsində yatıb oyansa və yenidən yatarsa sübh azanından qabaq oyanacağını bilsə, yaxud ehtimal versə, habelə oyanandan sonra qusul edəcəyini qərara alsa, bu halda yenidən yatsa və sübh azanına qədər oyanmasa, o günün qəzasını etməlidir. Həmçinin əgər ikinci dəfə yatıb-ayıldıqdan sonra yenidən, üçüncü dəfə yatsa da eyni qayda ilə. Ehtiyat-vacibə görə üçüncü dəfə yatanda kəffarə də lazımdır.
Məsələ: 1697. Möhtəlim olduğu yuxu birinci yuxu hesab edilməməlidir, əksinə möhtəlim olandan sonra yuxudan ayılsa, yenidən yatması onun birinci yatmağı hesab olunur.
Məsələ: 1698. Əgər oruc tutan şəxs gündüz möhtəlim olsa dərhal qusul alması vacib deyil. Amma ehtiyat-müstəhəb budur ki, dərhal qusul etsin.Məsələ: 1699. Əgər bir kəs Ramazan ayında sübh azanından sonra ayılıb möhtəlim olduğunu bilsə, hətta sübh azanından qabaq möhtəlim olduğunu bilsə də, orucu səhihdir.
Məsələ: 1700. Ramazan ayının orucunun qəzasını tutmaq istəyən bir kəs əgər sübh azanına qədər cünub halında qalsa, hətta qəsdən olmasa da orucu batildir.
Məsələ: 1701. Ramazan ayının orucunun qəzasını tutmaq istəyən bir kəs əgər sübh azanından sonra oyanıb möhtəlim olduğunu görsə və sübh azanından qabaq möhtəlim olduğunu bilsə, bu halda orucun qəzasının vaxtı az olsa (məsələn, beş gün Ramazan ayının qəzası varsa və Ramazan ayına da beş gün qalıbsa) ehtiyat-vacib budur ki, həm o gün, həm də onun əvəzini Ramazan ayından sonra oruc tutsun. Amma qəza orucunun vaxtı az olmasa, başqa gün tutsun.
Məsələ: 1702. Vaxtı müəyyən olan vacibi oruc ehtiyat-vacibə görə Ramazan ayının orucu kimidir. Deməli, sübh azanına qədər qəsdən cənabət halında qalmaq onun batil olmasına səbəb olar. Əgər nəzir orucu kimi kəffarəsi də olsa, kəffarə də ona vacib olur.
Məsələ: 1703. Əgər Ramazan ayının və onun qəzasından başqa vacibi orucda sübh azanına qədər cünub halında qalsa amma bu iş qəsdən olmasa–istər onun vaxtı müəyyən olsun, istərsə də olmasın, orucu səhihdir.
Məsələ: 1704. Əgər qadın sübh azanından qabaq heyz və ya nifasdan paklanıb qəsdən qusul etməsə, yaxud vəzifəsi təyəmmüm olduğu halda qəsdən təyəmmüm etməsə, orucu batildir.
Məsələ: 1705. Əgər qadın sübh azanından sonra heyz və ya nifasdan paklansa, amma qusul üçün vaxtı olmasa, bu halda Ramazan ayının orucu kimi vaxtı müəyyən olan vacibi oruc tutmaq istəsə, təyəmmümlə orucu səhihdir və sübhə qədər oyaq qalması lazım (ilzami) deyil. Əgər müstəhəb, yaxud kəffarə orucu kimi vaxtı müəyyən olmayan başqa vacibi oruc tutmaq istəsə, təyəmmümlə oruc tuta bilməz.
Məsələ: 1706. Əgər qadın sübh azanına yaxın vaxtlarda heyz, yaxud nifasdan paklansa, amma qusul və təyəmmümün heç biri üçün vaxtı olmasa, yaxud azandan sonra, azandan qabaq pak olduğunu başa düşsə, onun orucu Ramazan ayının orucu kimi müəyyən olan vacibi orucda səhihdir. Amma Ramazan ayının orucunun qəzasında səhih olması işkallıdır.Məsələ: 1707. Əgər qadın sübh azanından sonra heyz və ya nifas qanından paklansa, yaxud gün ərzində heyz və ya nifas qanı görsə–hətta məğribə yaxın vaxtlarda da olsa, orucu batildir.
Məsələ: 1708. Əgər qadın heyz və ya nifas quslunu unutsa və bir və ya bir neçə gündən sonra yadına düşsə, tutduğu oruclar səhihdir. Ehtiyat-müstəhəbbə görə gərək onların qəzasını etsin.
Məsələ: 1709. Əgər qadın sübh azanından qabaq heyz və ya nifas qanından qabaq pak olub qusul etməkdə səhlənkarlıq etsə və sübh azanına qədər qusul etməsə, habelə vaxtın az olduğu vaxt təyəmmüm də etməsə orucu batildir. Amma əgər səhlənkarlıq etməsə (məsələn, hamamda qadınların növbəsinin çatmasını gözləsə) hətta əgər üç dəfə yatıb dursa və sübh azanına qədər qusul etməsə də, təyəmmümlə orucu səhihdir.
Məsələ: 1710. Əgər istihazə halında olan bir qadın öz qusullarını istihazə hökmlərində deyilən qaydalara uyğun olaraq yerinə yetirsə orucu səhihdir.
Məsələ: 1711. Meyyitə məss edən kəs, məss-meyyit quslu almadan oruc tuta bilər. Hətta oruc halında da meyyitə məss etsə, orucu batil olmaz.
9-İMALƏ
Məsələ: 1712. Maye şeylərlə imalə etmək hətta məcburiyyət üzündən və ya müalicə üçün olsa da orucu batil edir. Amma müalicə üçün istifadə olunan qeyri-maye dərmanların eybi yoxdur. Ehtiyat-müstəhəb budur ki, onların da istifadəsindən pərhiz olunsun. Ehtiyat-vacib budur ki, maye, yaxud bərk olması şəkkli olan şeylərdən də pərhiz olunsun.
10-QƏSDƏN QUSMAQ
Məsələ: 1713. Əgər oruc tutan şəxs qəsdən qussa–hətta xəstəlik və s. səbəbilə qusmağa naçar olsa, orucu batildir. Amma səhvən, yaxud ixtiyarsız olaraq qussa, eybi yoxdur.
Məsələ: 1714. Əgər gecə bir şey yesə və onu yemək vasitəsilə gündüz ixtiyarsız olaraq qusacağını bilsə, ehtiyat-vacibə budur ki, o günün orucunun qəzasını tutsun.
Məsələ: 1715. Əgər oruc tutan şəxs qusmağın qarşısını ala bilərsə və bunun da zərəri və məşəqqəti olmazsa, gərək qabağını alsın.
Məsələ: 1716. Əgər milçək oruc tutan şəxsin boğazına getsə, bu halda onun udulması yemək hesab olunmayacağı yerə qədər (boğaza) getsə onu çıxartmaq lazım deyil, orucu da səhihdir. Amma bu qədər aşağı getməsə və çıxarılması mümkün olsa, onu çıxarmalıdır. Əgər qusmağa səbəb olsa onun qəzasını tutmalıdır.
Məsələ: 1717. Əgər bir şeyi səhvən udsa və mə”dəsinə çatmamış oruc olduğu yadına düşsə, bu halda çox getmiş olsa və onu udmaq yemək hesab olunmazsa, çıxartmaq lazım deyil, orucu da səhihdir. Amma əgər boğazın ortasında və yaxud əvvəlinə çatmış olsa onu çıxartmalıdır. Bu halda ona qusmaq deyilmir.
Məsələ: 1718. Əgər gəyirmək səbəbilə bir şeyin, boğazına gələcəyinə yəqini olsa, qəsdən gəyirməməlidir. Amma əgər yəqini olmasa, eybi yoxdur.
Məsələ: 1719. Əgər gəyirsə və ixtiyarsız olaraq bir şey boğazına və ya ağzına gəlsə, onu çölə tökməlidir. Əgər ixtiyarsız olaraq udulsa eybi yoxdur. Ehtiyat-müstəhəb budur ki, onun qəzasını yerinə yetirsin.

2006-09-09T07:11:00.000-07:00

“Əziz Mövlanın - Imam Mehdi Sahib-əz-Zamanın (ə.f.) mövludu günlərini yaşayırıq, - deyə Içərişəhər “Cümə” məscidinin imam-camaatı Hacı Ilqar Ibrahimoğlu növbəti cümə xütbəsini başladı: Bu mübarək isim, özündə ədalət və əmniyyətin bərqərar olunmasını, zülmün aradan getməsini əks etdirir. Müvafiq olaraq, Həzrətin (ə.f.) zühurunun intizarında olmaq - Ilahi harmoniyanın bərpası həsrətini çəkmək deməkdir. Uca Allahdan diləyimiz budur ki, cəmi iman əhlinə, cəmi bəşəriyyətə intizar fəlsəfəsini anlayıb, yaşatmaq tofiqini nəsib etsin, inşəallah!".
ƏN BÖYÜK VÜCUDI SUAL
“Insan nə üçün xəlq olub” Insanın yaradılışında məqsəd nədir?" - kimi suallar nəinki tək müsəlmanları, dinindən, dünyagörüşündən asılı olmayaraq, ümumiyyətlə bütün insanları düşündürən suallardandır. Və müvafiq olaraq, hərə bu suala cavabın axtarışını bir cür aparır.Məsələn, bəziləri müxtəlif təcrübələr aparırlar ki, nəticəsində insanın nə səbəbə yaranmasını başa düşsünlər. Sözsüz ki, təcrübələr nəticəsində bəşəriyyət bir çox lazımlı bilgilər əldə etmişdir. Bundan əlavə, insanın hiss orqanları ilə duya bilmədiyi kateqoriyalar var ki, empirik yollarla onların da cavabı tapılmışdır. Amma, göstərilən sual o suallardandır ki, insan onun cavabını təcrübi yolla müəyyən edə bilməz!“Insan nə üçün xəlq olub?” sualı əslində elə kateqoriyaya aiddir ki, ona əqli yolla, təhlillə getmək, sonra nəqli mənbələrə müraciət etməklə cavablandırmaq gərəkdir. Mahiyyət etibarilə, insan təhlili yolla onu tapır ki, məhz hansı mənbəyə müraciət etməlidir. Ilk əvvəl, insan düşünüb belə nəticəyə gələcəkdir ki, onun bir yaradanı, xəlq edəni var. Xaliq, vücudverən olmasaydı, insan dünyaya gəlməzdi. Axı insan özünəkafi bir varlıq deyil, vacibəl-vücud, yəni, varlığı öz-özlüyündə vacib olan bir varlıq deyil. Demək, onu bir kənardan yaradan lazımdır, ona vücud verən, dünyaya gəlişinə səbəb olan bir varlıq gərəkdir. Sonra insan düşünüb anlaya bilər ki, onu yaradan varlıq mütləq kamal sifətlərə malik olmalıdır, çünki, naqislik ehtiyac gətirən xüsusiyyətdir və ehtiyaclılıq isə Vacibəl-vücudluqla ziddiyyət təşkil etdiyindən, qeyri-mümkündür. Düşünsə, insan anlayar ki, hər nə gözəl bir şey varsa, Yaradanına məxsusdur və hər nə ki, çirkinlikdir - Ondan uzaqdır".
PEYĞƏMBƏR (s) və IMAMLARIN (ə) MƏSUMLUĞU
Xətib təhlili davam etdirərək, bildirdi: “Sonra insan onun anlamına gələr ki, bəs Rəbbim məni yaradıb başlı-başına buraxmazdı. Ona uyğun olmazdı ki, insanı yarada və istedadların üzə çıxmaq yolunu göstərməyə, yaxşını-pisi bəlli etməyə. Beləliklə, insan düşüncələrini davam etdirib, anlayar ki, Yaradanı tərəfindən məlumatı çatdıran xüsusi vəzifələndirilmiş insanlar olmalıdır və həmin insanlar məsum - qətiyyən günah etməyən olmalıdır. Çünki, günah etsə, çatdırdığı məlumatın mötəbərliyi itər, hətta səhv, yanlış, təhrif olunmuş məlumat çatdırıb, insanları çaşqınlığa, əyri yola düçar edər. Belə olsaydı, Uca Allah (nəuzubillah!) mənasız iş görmüş olardı - necə ola bilər ki, məlumatı insana çatdırmaq istəyə və bunun dürüstlüyünün qeydinə qalmaya! Mənasızlıq isə Rəbbin mübarək zatına zidd bir məfhumdur, çünki, naqislikdir və ehtiyac gətirəndir. Deməli, peyğəmbərlər mütləq məsum olmalıdırlar. Daha sonra insan anlayar ki, Peyğəmbərin (s) Allah dərgahına getməsindən sonra, onun gətirdiyi təlimi anlaşdıran, izah edən xüsusi insanlar - Imamlar (ə) olmalıdır və yuxarıda göstərilən səbəbə görə, onlar də məsum olmalıdr ki, məlumatın çatdırılmasında təhrif olmasın”.
IBADƏT NƏDIR?
“Beləliklə, insan əqli yolla orayadək yetişir ki, suallarının cavabını almaq üçün hansı mənbəyə müraciət etməlidir. Ilahi Kitaba müraciət edir və ”Zariyat" surəsinin 56-cı ayəsində oxuyur: “Cin və insanları yalnız Mənə ibadət etmələri üçün yaratmışam”.Beləliklə, aydın olur ki, insanın xəlq olunmasının, yaradılmasının hədəfi - ibadətdir. Insanın mövcudiyyətinin fəlsəfəsi ibadət etməkdədir. Yaxşı, bəs bu “ibadət” anlamında nələr əhatə olunur" Bax bu - əsas mövzudur. Ibadət tək namazla, orucla bitmir. Yaxşılıqlara dəvətlə, pisliklərdən çəkindirməklə, cihadla, zəkatla bitmir ibadət. Bunlar çox mühümdür, lakin mövzu bunlarla məhdudlaşmır. Ibadət - insanın Ilahi xidmətdə bulnmağıdır. Allahın məsləhət bildiyini etmək və qadağan etdiyindən çəkinməsidir. Ümumi halda, insanın özünü bəndəlik orbitinə daxil etməsidir ibadət. Həzrət Peyğəmbər (s) və Imamların (ə) mübarək yolu ilə getməsi, onların addımları ilə addımlarını qoymasıdır ibadət. Insan riyaziyyat oxuya, kimya ilə, fizika ilə məşğul ola, fransız dili oxuya, ev işləri ilə məşğul ola, bədii ədəbiyyat oxuya, idman edə bilər - niyyəti Ilahi rizayət, Allahın razılığı olarsa, bu - ibadətdir.Islamın ən böyük gözəliklərindən biri məhz burada gizlənmişdir. Islamda dünyəvi və qeyri-dünyəvi elmlər yoxdur. Islamda Allaha xatir və nəfsə xatir anlamları var. Ona görə də bütün səylərə baxmayaraq, qaraguruhçuluğu Islama yapışdıra bilməyirlər. Islam öz elmliyi, daxili cazibəsi ilə insanları haqq yola dəvət etməkdədir".
IBADƏTLƏRIN ƏN ÜSTÜNÜ HANSIDIR
"“Yaxşı, indi ki, ibadət belə bir mühüm kateqoriyadır, mütləq gərək təhlil edək görək ki, bunların ən üstünü hansıdır? Axı ibadətlərin xüsusilə təkidliləri var, ümdələri var. Ötən bəhslərdə toxunduq ki, namazın, orucun, zəkatın nə dərəcədə böyük əhəmiyyətləri var. Bunlar bünövrədir, bunlar olduqda digərləri barədə danışıla bilər. Nədir ibadətlərin zinəti? Bu sualın cavabını, təbii ki, dinimizdə axtarırıq. Həzrət Peyğəmbərdən (s) nəql edilən mübarək hədisdə bildirilir: “Ibadətlərin ən əfzəli, ən üstünü - (Zəmanə Imamının) fərəcinin intizarında olmaqdır”.Peyğəmbərimiz (s) buyurur ki, Zəmanə Imamının (ə.f.), gözlərdən qeyb olmuş Həzrətin (ə.f.) zühurunu gözləmək - ən üstün ibadətdir. Intizarda bütün digər ibadətlər əhatə olunur, özü də ən yüksək səviyyədə". “Intizar” sözünün mənasına gəldikdə, xətib bildirdi ki, burada çoxlu mənalar vardır: “Intizar - gözünü yola tikmək deməkdir. Bu, həm də kiminləsə görüşməyi və ya hadisənin baş verməsini anbaan gözləməkdir. Digər məna odur ki, bir kəsin, ya nəyinsə ümidinə qapılmaq. Və ya əziz şəxsdən, mühüm hadisədən nigaran olmaq. Hər an xəbər gözləmək. Dediyimiz intizarda bunların hamısı vardır. Həm gözlərin yolda qalması, hazırlıq, nigaranlıq, ümid və sair. Amma Həzrət Mehdinin (ə.f.) intizarında bunlardan əlavə, xüsusi çalarlar da vardır. Ariflər buyururlar ki, “Bu - yəqinin cövhəri, təqvanın qaymağı, saleh əməlin xülasəsidir”.Bir adam ki intizarda bulunur, şəkk-şübhə ona aid deyil. Bu - yəqin əhlidir, Allaha, Peyğəmbərə (s), Əhli-beytə (ə) yəqini vardır. Haramlardan çəkinəndir. Elə bir daxili haləti vardır ki, onu pisliklərdən qoruyur. Həzrət Mehdinin (ə.f.) intizarında olanın gözəlliklərə eşqi var, yaxşılıqlara iltizamı, kamallara şövqü var. O şəxs pisliklərin, mənfiliklərin aradan getməsinin intizarındadır, ədalətin, Ilahi harmoniyanın gəlişinin intizarındadır. Fərdlərin, toplumların kamallaşmasına intizarı var. Yerin, göyün, hər şeyin yaradılışının hədəfi insandır və buna görə intizarda olan şəxs bütün istedadların, kamalların zirvəyə çatmasını istəyir. Bəşəriyyətin çiçəklənməsini istəyir. Fərəcin intizarı hədəfi tapmaq üçün, məqsədə çatmaq üçün, qurmaq üçün edilən bir səydir. Mövlanın (ə.f.) intizarında olmaq - ona iqtida etmək, ona beyət etmək, itaət etmək deməkdir. Bu intizar - sabitqədəmliyin rəmzidir, istiqamət və ardıcıllığın, fədakarlığın sirridir. 14 əsrdir əzirlər, vururlar iman əhlini, amma sındıra bilmirlər. Bunun sirri məhz intizarda - umidlə, yəqinlə, kamala səylə səciyyələnən bir durumdadır.Intizar - inkişafın amilidir, müqavimətin əsasıdır, qələbənin zaminidir. Müntəzir olan daima dinamik hərəkətdədir. Intizar - hər baxımdan bəşəriyyəti inkişafa aparan amildir. Əqidənin səngəridir, düşüncənin gözətçisidir, Islamın və Quranın qələbəsinin gözləntisidir intizar".
ALLAH TƏALA HƏZRƏT MEHDINI (ə.f.) SEVƏNLƏRI SEVIR
“Dinimiz son dərəcədə mühüm bilir bu mətləbləri. Həzrət Peyğəmbərdən (s) nəql edirlər: “Hər kəs ki, Zəmanə Imamını tanımayan bir vəziyyətdə ölsə, cahiliyyə dövrünün ölümü ilə dünyadan getmişdir”.Dövrün Imamını tanımamaq, həqiqətdə dindən bixəbər olmaq deməkdir. Bu barədə Peyğəmbərimizdən (s) nəql edilən hədisdə bildirilir ki, Allah Təala ona xitabən buyurub: “Ya Muhəmməd! Əgər bəndələrimdən biri, o qədər Mənə (yəni, Mütəal Allaha) ibadət edə ki, bunun şiddət və çoxluğundan həlak ola, lakin, Mənim görüşümə onların (zəmanə Imamlarıının) rəhbərliyini inkar edən bir durumda gəlsə, o şəxsi atəşə daxil edəcəyəm. Ya Muhəmməd! Istəyirsən Imamları görəsən? Peyğəmbərimiz buyurdu: Bəli. - Bir addım irəli at və nəzər sal. .... və Qaim Hüccət onların arasında parlaq bir ulduz kimi idi. Dedim: Pərvərdigara! Bunlar kimlərdir? Buyurdu: Bunlar Imamlardır və bu da Qaimdir. Halalımı halal bilər, haramımı haram. Düşmənlərimdən intiqamımı alar. Ya Muhəmməd! Sev onu ki, Mən onu sevirəm və onu sevənləri sevirəm".Uca Allahdan diləyirik ki, bizləri, bütün inanc əhlini Həzrət Mehdini (ə.f.) həqiqətdə sevənlərdən qərar versin, inşəallah".
BU GECƏ ƏLIBOŞ QAYIDAN OLMAZ
Sonra imam-camaat Həzrət Mehdinin (ə.f.) yüksək dərəcəsini vurğulayan dini mətnləri məclisə cəmləşənlərin diqqətinə çatdırdı: “Həzrət Rəsulullahdan (s) nəql edirlər: “Mehdi - mənim övladlarımdandır. Adı adımdan, kunyəsi kunyəmdəndir".Imam Cəfər Sadiqdən (ə) nəql edirlər: “Həzrət Qaimin mövlud gecəsi dünyaya gələn insan mömin olar. Və əgər şirk torpağında dünyaya gəlsə, Allah Təala onu Imamın (ə.f.) bərəkəti ilə imana tərəfə çəkəcək”.Imam Muhəmməd Baqirdən (ə) Həzrət Mehdinin (ə.f.) mövlud gecəsi ilə bağlı nəql edirlər: “O gecə Qədr gecələrindən sonra ən üstün gecələrdəndir. Allah Təala o gecə bəndələrinə Öz fəzlindən əta edər və onları Öz kərəminə xatir bağışlayar. Bu bir gecədir ki, Allah Təala Öz müqəddəs zatına and içmişdir ki, heç bir istəyəni əliboş geri qaytarmayacaq, o kəslərdən savayı ki, Allahdan günah bir şeyi diləyərlər”.Başqa bir mübarək hədisdə Həzrət Mehdi (ə.f.) özü barədə buyurur: “Mən vəsilərin xatəmiyəm. Və mənim vasitəmlə Allah Təala əhlimdən və tərəfdarlarımdan bəlaları geri qaytarar”.Imam Həsən (ə) buyurur: “(Allah Təala Qaimin) mövludunu gizli və müqəddəs varlığını qeyb pərdəsilə saxladı ki, ta qiyam vaxtı heç kimin beyəti boynunda olmaya”.Burada dərin bir mətləb açıqlanır. Bildirilir ki, Imam Zaman ağanın (ə.f.) dünyaya gəlişinin gizli saxlanılmasının və sonradan vücudunun qeyb pərdəsi arxasında saxlanılmasının səbəblərindən biri də odur ki, onun zühuru zamanı heç bir zalım hökmdar deyə bilməsin ki, bəs o, mənim hakimiyyətimi tanımışdır. Allah Təala dünyanı ədalətlə dolduracaq əziz Imamın (ə.f.) gəlişini təcili etsin və bizləri bu mübarək zühuru tezləşdirənlərdən qərar versin, inşəallah!".
YAĞI DÜŞMƏN TORPAĞIMIZI ODA ÇƏKIR...
Xütbənin növbəti hissəsində Hacı Ilqar Qarabağ ətrafında cərəyan edən proseslərə toxundu: “Yağı düşmən vandalcasına torpaqlarımızı oda çəkməkdə davam edir. Abidələrimizi, məscidlərimizi viran edib, indi torpağı belə külə döndərmək istəyir. Gözəl anlayır ki, bu torpaq onun olası deyil, yoxsa niyə yandırırdı ki”! Informasiya sahəsində də müharibə davam edir. Bu yaxınlarda Rusiya Dövlət Teleradio Şirkəti üzdəniraq “Dağlıq Qarabağ respublikasının” “müstəqilliyinin” ildönümünə həsr edilmiş geniş reportaj vermişdir. Yalan və böhtanla dolu, üstəgəl separatçı rejimin cinayətkar “liderlər”i ilə istiqanlı ünsiyyətlə səciyyələnən bu reportac, şəhidlərin ruhuna, əsirlərin iztirablarına, didərginlərin məşəqqətlərinə qarşı, ümumilikdə Azərbaycana qarşı ağır təhqir kimi qiymətləndirilməlidir. Bu vəziyyətdə Rusiya rəsmiləri “telekanal redaksiya siyasətini özü müəyyənləşdirir” kimi mənasız bəhanələrlə yaxalarını məsuliyyətdən kənara çəkmək istəyirlər. Aydındır ki, rəsmi dövlət telekanalının xəbər və şərh siyasəti dəqiq elementlər əsasında formalaşdırılır və bunu hansısa müəllif proqramı kimi təqdim etmək cəhdi ancaq acı gülüş doğura bilər. Içərişəhər “Cümə” məscidinin dini icması olaraq biz bir daha baş vermiş təxribatı qətiyyətlə pisləyir və Rusiyanın əlaqədar dövlət strukturlarından Azərbaycan xalqından üzr istəməyi tələb edirik".Sonda məclisə cəm olanlar həqiqi müntəzirlik səadətinə layiq olmaq, Həzrət Peyğəmbər (s) və Əhli-beytinin (ə) layiqli davamçılarından olmaq, ümmət qarşısında duran müşküllərin həlli, işğal altında olan torpaqların azad edilməsi, əsirlərin azad edilməsi, xəstələrin şəfa tapması, Həzrət Mehdinin (ə.f.) tezliklə zühur etməsi üçün cəmlə dualar etdilər.

İMAM HƏSƏN ƏSKƏRİ(Ə)IN HƏYATI

2006-05-06T01:19:00.000-07:00

İmam Həsən Əskəri(ə)-ın həyatı barədə qısa mə’lumat

Şiələrin on birinci imamı həzrət Həsən Əskəri(ə) hicrətin iki yüz otuz ikinci ilində anadan olmuşdur. Atası onuncu imam həzrət Əli ən-Nəqi(ə), anası isə Hüdeysə adlı təqvalı bir qadın olmuşdur. Bə’zi tarixçilər onun adını Süsən qeyd etmişlər. Bu qadın təqvalı və İslam baxımına malik bir qadın olmuşdur. Onun fəzilətinə gəldikdə isə bunu demək kifayət edər ki, o, imam Həsən Əskəri(ə)-ın şəhadətindən sonra o cür böhranlı bir vəziyyətdə şiələrin pənahgahına çevrilmişdi.İmam Həsən Əskəri(ə) Abbasi xəlifəsinin əmrilə məcburi şəkildə Samirrada Əskər adlı bir yerdə saxlanıldığı üçün Əskəri adlandırılmışdı. O həzrətin digər məşhur ləqəblərindən biri Nəqi, başqa birisi Zəki, künyəsi isə Əbu Mühəmməd olmuşdur. O həzrət iyirmi iki yaşında ikən atası vəfat etmişdir. Altı il şiələrin imamı olmuş, ümumilikdə isə iyirmi səkkiz il yaşamışdır. Hicrətin iki yüz altımışıncı ilində şəhid olmuş və Samirra şəhərində öz evindəcə, atasının qəbrinin yanında dəfn edilmişdir.

BAYRAMINIZ MÜABAREK!

2006-05-06T00:48:00.000-07:00

Eziz müselman bacı ve qardaşlar. Sizi İmam Zamanın atası imam Hesen Esgerinin mövludu münasibeti ile tebrik edir ve siə Mesumlara göz ardıcıl olmağı arzu edirik.

Imam Rzanin movludu munasibeti ile sizleri tebrik edirik!

2005-12-14T11:06:00.000-08:00

MÜSABİQƏ

2005-12-02T03:28:00.000-08:00

Diqqət! Diqqət!
www.imammehdi.be dini saytı mömin bacı və qardaşlar arasında “İntizar” adlı müsabiqə keçirir!
Müsabiqənin şərtləri:
İmam Məhdinin (ə) heyatı ilə gencləri taniş etmək məqsədi ilə keçirilən bu müsabiqədə, iştirakçılar o həzrətin heyatı, qeybəti, intizarı haqqında məqalə, şer və ya digər bədii əsərlər yazib, onalrı dekabr ayının 25-inə qədər BU UNVANA göndərməlidirlər.
Bizə göndərilən əsərlər arasında "3" ən yaxşı əsər seçiləcək və onalrın müəlliflərinə 2 cild kitab hədiyyə ediləcəkdir. Hədiyyələr Bakıda yerləşən dini maqazaların birində qaliblərə təqdim ediləcək.
Hörmətli Məhdi sevərlər! Bu mənəvi müsabiqədə iyaxından iştirak etməyə tələsin!

Həzrət Məsumənin (s) movludu

2005-12-02T02:52:00.000-08:00

Əziz müsəlmanlar! Sizi, 7-ci İmam Musa Kazımın (ə) qızı həzrət Fatimə Məsumənin (s) mövludu münasibəti ilə təbrik idir və sizə Əhli-beyt (ə) məktəbinin əsl davamçısı olmağı arzu edirik. Bayramınız mübarək!

Həzrət Məsumə (s)

Yeddinci İmam Musa Kazımın (ə) qızı olan həzrət Fatimə Məsumə (s) hicri 173-cü il, Zilqədə ayının 1-ində Mədinə şəhərində dünyaya göz açdı.
Həzrət Məsumə (s) İmam Rzanın (ə) , həzrət Həkimənin(s) ( Bibi Heybət ləqəbi ilə məşhurdur.Qəbri Bakı şəhərinin girəcəyində yerləşir), həzrət Rəhimənin (s) (qəbri Bakının Nardaran qəsəbəsində yerləşir) bacısıdır.
İmam Rza (ə) Mərv şəhərinə aparıldıqdan sonra, o xanım qardaşını ziyarət etmək üçün Mədinədən Mərvə səfər edir. Save şəhərinə çatdıqda həzrət Məsumə (s) gözlənilmədən xəstələnir və səfərini davam etdirə bilmədiyi üçün şiələrin mərkəzi olan Qum şəhərinə gedir. O xanımın Quma daxil olduqda xalq tərəfindən təntənə ilə qarşılanır.Xəstələnməsindən 10 gün keçdikdən sonra Rəbius sani ayının əvvəllərində əbədiyyətə qovuşur. Qəbrı hal hazırda Qum şəhərində möminlərin ziyarətgahına çevrilmışdır.

İmam Sadiq (ə) buyurmuşdur: " Allahın evi Məkkə, həzrət Peyğəmbərin (s) evi Mədinə, Əmirəlmöminin Əlinin (ə) evi Küfə, mənim və övladlarımın evi İslam ə Qum şəhəridir.( Biharul -ənvar, c60, səh 266)

İmam Cavad (ə) buyurmuşdur: “Hər kəs Qum şəhərində bibimi ziyarət edərsə cənnətə daxil olacaqdır”.

Həzrət Məsumənin (s) Ziyarətgahı İmam Zamanın (ə f) ziyarətgahıdır
Böyük övliyalardan biri yuxuda bir şəxsin ona belə dediyini görür: “ Hazırda İmam Zaman (ə) bibisinin (həzrət Məsümənin (s) ) qbrini ziyarət edir. Ziyarət sona yetdikdən sonra İmam (ə) sizə gələcəkdir.Lakin, kitabxananızda müxalif kitablar çoxdur. O həzrət onları xoşlamır.Sən kitabları kitabxanadan xaric etməlisən!" O, deyir: "Mən tez o kitablarıkitabxanamdan xaric etdim”. Sonra ona deyir: "Bu xalçaları da yığışdır. İki dənəsi kifayət edər.Lakin, xalçaların resmləri görsənməsin deyə onalrı çevir”.
Bu sadiq yuxu həzrət Məsumənin(s) hərəminin əzəmətini nəzərə çarpır.Həmçinin, İmamla (ə) görüşmək istəyinə nail olmaq üçün Əhli-beyt (ə) məhəbbətini ürəkdə möhkəmləndirməli və onalrın müxaliflərinə nifrət etmək lazımdır.Habelə, dünyanın fani zinətlərinə goz yumaraq, haramdan uzaq, halal ruzi ilə sadə həyat yaşanılmalıdır.Bu halda İmam zamanla (ə f) görüşmık səadəti asanlaşacaqdır.

Əza günü

2005-11-27T01:21:00.000-08:00

Əhli-beyt (ə) məzhəbinin altıncı imamı Cəfər Sadiqin (ə) şəhadəti münasibəti ilə İmamət asimanının 12-ci parlaq ulduzu İmam Zamana (ə), bütün dünya müsəlmanlarəna, xusüsi ilə şiələrə başsağlığı deyirik.

İMAM CӘ`FӘR SADİQ (әleyhis-salam)

Lәqәblәri: ... Sadiq, Tahir, Qaim, Kafıl, Münci, Sabir, Müsәddiq, Mühәqqiq, Kaşifül-hәqaiq.
Künyәsi: ... Әbu Әbdillah.
Atası: ... Məhәmmәd Baqir (әleyhis-salam)
Anası: ... Fatimә.
Doğulduğu gün: ... 17 Rәbiül-әvvәl.
Doğulduğu yer: ... Mәdinə.
Doğulduğu il: ... 83-cü hicri ili.
Şәhid olduğu gün: ... 25 şәvval.
Şәhid olduğu il: ... 148-ci hicri ili.
Ömrü: ... 65 il.
Şәhadәtinin sәbәbi: ... O hәzrәti (ə), Mәnsur Dәvaniqi zәhәrlәmişdir.
Dәfn olunduğu yer: ... «Bәqi'» qəbiristanlığı.
Övladlarının sayı: ... 10 (7 oğlan, 3 qız).
Oğlanları:
1. İsmayıl.
2. Әbdüllah (Әftәh).
3. Musa Kazim (әleyhis-salam).
4. İshaq.
5. Mәhәmmәd Dibac.
6. Abbas.
7. Әli.
Qızları:
1. Fatimә.
2. Әsma.
3. Ümmü-Fәrvә.
Üzüyündәki yazı: «Allahu Xaliqu kulli şәyin.» (Allah hәr bir şeyin xaliqidir).

İMAM SADİQDƏN (Ə) QISA KӘLAMLAR

1. Qardaşının istәyini yerinә yetirmәk üçün çalışan hәr bir müsәlman, Allah yolunda cihad edәnlәr kimidir.
2. Namazlarına əhəmmiyət verməyən kimsә, qiyamәt günündә bizim şәfaәtimizә nail olmayacaqdır.
3. Dünyanı sevmәk vә ona bağlılığın nәticәsi narahatlıq vә kәdәrdir. Dünyada tәqvalı vә pak olmağın nәticәsi isә ruh vә bәdәnin rahatlığıdır.
4. Güclülәrin gücsüzlәrdәn intiqam alması nә qәdәr dә pisdir.
5. Uşaqlarınız sizә yaxşılıq etsinlər deyə, siz dә ata-analarınıza yaxşılıq edin.
6. Xalq arasında özündәn daha elmli bir şəxsin olmasına baxmayaraq, xalqı özünә tәrәf çağıran kimsә azğındır.
7. Doğru olmayan zarafatlardan çәkinin. Çünki düşmәnçiliyә vә bir-birinizә kin bәslәmәyә sәbәb olar.
8. Münafiqin nişanәlәri üç şeydir: 1. Danışanda yalan deyәr; 2. Verdiyi vә'dә vәfa etmәz; 3. Әmanәtә xәyanәt edәr.
9. Başqalarına paxıllıq etmәyin, çünki (paxıllıq) sizi Allahdan uzaqlaşdırar.

Intizar

2005-11-26T02:59:00.000-08:00

Gör nə vaxtdır gözlərim gözlər səni,
Hər gecəm, gündüzlərim gözlər səni,
Yad deyil əzizlərim gözlər səni,
İntizarlı sözlərim gözlər səni.

Gəl sən Allah qəhridən qurtar məni,
Qem kədərlər şəhridən qurtar məni,
Pis və çirkab nəhridən qurtar məni,
Dövrüdə hər sehridən qurtar məni,

Görəsən hüsnünü seyr eyliyərəm mən nə zaman?
Edəcək tərk həyatımı duman və çən nə zaman?
Məhv edib qüssələri olmalıyam şən nə zaman?
Mənə xoş anları bəxş eyləyəcəksən nə zaman?

Gəlginən ey gözümün qarəsi gəl,
Gəl mənim könlümün parəsi gəl,
Ağrayır qəlbimin yarəsi gəl,
Gəl mənim dərdimin çarəsi gəl!

Bilmirəm ki, gedim hara sənsiz,
Günlərim qeyd olur qara sənsiz,
Gəlmişəm dərdidən zara sənsiz,
Tapmıram dərdimə çara sənsiz.

Gör neçə ildir ki, Müntəzirəm,
Eşqimin zindanında əsirəm,
Axtarıram səni mən gəzirəm,
Ayrılıqdan usanıb bezirəm.

Həbib Müntəzir

İmam Mehdinin (ə) kəramətləri

2005-11-21T07:13:00.000-08:00

Bismillahir Rəhmanir Rəhim
(baş vermiş həqiqətlər əsasinda)

Ön söz
Hər şeydən öncə bir alim şəxsin imam Zaman (ə)-la görüşməyində, zaman və məkanin tə"sirindən əlavə ruhi və mənəvi amillərin tə"sirinin də böyük rolu vardir. Belə şəxslərin gərək qəlb gözlərində olan pərdələr götürülsün və görmək qabiliyyətinə yiyələnsinlər.DAVAMI

Bəqi faciəsi

2005-11-03T05:18:00.000-08:00

Bəqi qəbiristanı dağıdılmamışdan qabaq

Vəhhabilər hicri 1343-cü (1922 miladi) ildə həzrət Əbdül-Müttəlib, Əbu Talib və Xədicənin (ə) məqbərələrini, həzrət Peyğəmbər (s) və qızı Fatimənin (ə) doğulduğu məkanı yerlə yeksan etdilər.Cəddə şəhərində həzrət Həvvanın (ə) qəbrini, Rəsuli- əkrəmin qəbirüstü günbəzini top atəşinə tutdular. Lakin dünya müsəlmanlarının baş verə biləcək kütləvi etirazlarını nəzərə alıb o həzrətin (s) qəbrini dağıtmaqdan çəkindılər. Həmçinin hicri 1343-cü ildə Bəqi qəbiristanlığına hücum edərək İmam Həsən (ə), İmam Səccad (ə), İmam Baqir (ə) və İmam Sadiqin (ə) hərəmlərini (məqbərələrini) viran qoyub, hərəmdə olan nəfis əşyaları qarət etdilər. Elə həmin ildə Kərbəla şəhərinə yürüş edərək İmam Hüseynin(ə) zirehini (qəbir ətrafı dəmir barmaqlıq) sِküb qiymətli əşyaları qarət, 800-ə yaxın seyid və ailimi qanına qəltan etdilər. Sonra Nəcəf şəhərinə tərəf hərəkət etmək istədikdə yerli əhali tərəfindən məğlub edilərək geri qaytarıldılar.

Bariz nümunə

2005-11-03T03:55:00.000-08:00

Yuxarıda müşahidə etdiyiniz şəkil (İmam Həsən, İmam Zeynülabidin, İmam Məhəmməd Baqir, İmam Sadiq (ə) məzarlarə) , müsəlmanlıq iddiası eden, lakin Ehli-beyt (ə) xanədanına kin bəsləyib , onların tərəfdarlarını terror eden vəhhabilərin cinəyətlərindən bir nümunədir.

Ramazan bayramınız mübarek

2005-11-03T02:28:00.000-08:00

Əziz mömin bacı və qardaşlar! Sizi Ramazan bayramı münasibeti ilə tebrik edir və hamınıza Allahın rəhmətini arzu edirik

Zühur və qadınlar

2005-10-30T04:18:00.000-08:00

Nə üçün, Həzrət Məhdinin (ə.c.) səhabələri haqqında danışarkən yalnız kişilərdən söhbət açılır, məgər qadınlar bu səadətdən məhrumdur?
Cavab: –Həzrət Məhdinin (ə.c.) qiyamında kişilər haqqında daha çox bəhs edilməsinin səbəbi budur ki, zühur haqqqında danışılarkən ən çox döyüş və mübarizə məsələləri açıqlanır ki, bu da demək olar ki, yalnız kişilərə aid olan işdir. Qadınlar isə arxa cəbhədə və müxtəlif sahələrdə Həzrətə (ə.c.) dayaq olacaqlar.
Onu da deyək ki, bə`zi rəvayətlərdə, həzrət Məhdinin (ə.c.) 313 nəfər səhabəsi haqqında söz açılarkən orada qadınların iştirakı haqqında da kəlamlar qeyd olunmuşdur. O cümlədən, İmam Baqir (ə) buyurmuşdur:
«And olsun Allaha! 313 nəfər kişi Məkkə şəhərində bir yerə toplaşacaq. Onların arasında əlli nəfər qadın vardır. Onlar payız buludları kimi, bir yer toplaşacaqlar.»
Müfəzzəl nəql edir ki, İmam Sadiq (ə) buyurmuşdur:
«On üç nəfər qadın daim həzrət Məhdi (ə.c.) ilə birlikdədir.»
Sonra, qadınların işi barədə maraqlanan Müfəzzələ buyurdu:
«Həzrət Peyğəmbərin (s) dövründə olduğu kimi, bu qadınlar da yaralıları müalicə edəcək və döyüş əlillərinə qulluq edəcəklər.»
–Həzrət Məhdinin (ə.c.) zühurunun cahanşümul olduğunu nəzərə almaqla sizə elə gəlmir ki, İmamın qoşununun sayı az görünür?
Cavab: –Xeyr. 313 nəfər zühurun əvvəlində Həzrətə (ə.c.) qoşulacaq, sonra isə günbəgün insan seli Həzrətə tərəf axışacaq.
Daha aydın desək, onlar həzrət Məhdinin (ə.c.) hökumətinin əsas özəyi olan şəxslərdir. Məsələn, bir rəvayətdə bu barədə belə buyurulur:
«İlahi kamala malik 313 nəfər «Həcərül-əsvəd»lə «Məqami-İbarahim»in arasında həzrət Məhdi (ə.c.) ilə bey᾽ət edəcək. Onlar, Həzrət Məhdi (ə.c.) dövlətinin məs᾽uliyyətlərinin ağır yükünü öz öhdələrinə götürmüşlər.»
Habelə buyurmuşdur:
«Rumun fəthi döyüşündə həzrət Məhdinin (ə.c.) 70000 nəfər «Əllahu Əkbər» şüarı deyən qoşunu iştirak edəcək. Onların ilk «Əllahu Əkbər» gurultulu təkbirilə Rumun üçdə bir hissəsi, ikinci təkbirlərin gurultusu ilə üçdə iki hissəsi, üçüncü ilə isə, bütün ərazisi azad olunacaq.»
İmam Baqir (ə) başqa bir rəvayətdə buyurmuşdur:
«Kufə əhalisindən 70000 sadiq şəxs İmam Məhdini (ə.c.) himayə etmək üçün ayağa qalxacaq.»

Gözlər səni gözlər!

2005-10-28T11:32:00.000-07:00

Dön gəl geri ey yar , bu gözlər səni gözlər,
Yollarda qoyub getdiyin izlər səni gözlər.

Sən getmisən əfsus, qalan bircə qəmindir,
Sənsiz bu qəmi könlüm əzizlər səni gözlər.

Sevdim sözünü kimsəyə sənsəz deyə bilməz,
Qəlbim bu təmiz sevgini gizlər, səni gözlər.

Gözlər yolunu həsrət ilə aşiq olanlar,
Tək biz deyilik, bizlər kimi yüzlər səni gözlər.

Gəl çat bizim imdadımıza ey son ьmidimiz,
Ey kani-şəfa dərdli mərizlər səni gцzlər.

Səndən utanıb gizlənəcək eyri olanlar,
Amma nə qədər var isə düzlər səni gözlər.

Məsum mələyim gəl yenə sən Narini dindir,
Şirin məzəli sevgili sözlər səni gözlər
Nari

Qüds günü

2005-10-27T03:56:00.000-07:00

Mübarək Rəməzan ayının axır cüməsi Fəlistin xalqından himayət laraq "Qüds günü " elan edilib.Bu gündə dünya musalmanları xiyabanlara axışaraq din qardaşlarının tamdalanmış huquqlarını müdafiə edirlər. Bir az ətraflı diqqət etdikdə bu günün tekcə fələstinlilərə deyil bəlkə bütün torpaqları işğal edilmiş ölkələrə o cumleden Azerbaycan, Bosniya, Efqanıstan, Livan,İraq ve s. ölkelerinə də aid və bu ölkələrdən himayet etmek deməkdir. !

Ey Mövla! Səni dərk edən olmadı

2005-10-06T07:07:00.000-07:00

Ey rüzgar! Sən bütün qüdrətinlə, ey təbiət sən bütün istedadınla ayrı bir ƏLİ yarada bilərsənmi?!

Mesumların həzrət Məhdi(ə) ilə bağlı söylədikləri

2005-10-04T05:49:00.000-07:00

Mesumların həzrət Məhdi (ə) ilə bağlı söylədikləri.

1) İslam peyğemberi hezret Mehemmed (s) buyurmuşdur:
“Bizim ailemizin heqiqi Qaimi qiyam etmedikce qiyamet günü gelmeyecekdir. Bu qiyam Allah-taalanın bu işe icaze verdiyi zaman baş verecekdir. O imama itaet eden nicat tapacaq, onun gösterişlerine emel etmeyenler ise mehv olacaq. Ey Allah bendeleri! Allahı unutmayın! Qarlar üzerinde sürünmeyiniz lazım olsa bele ona teref gedin. Çünki o, Allahın xelifesi ve menim canişinimdir.”

2) İmam Eli (e) İmam Hüseyne (e) buyurdu:

“Ey Hüseyn, senin doqquzuncu övladın haqqa göre qiyam eden, dini aşkarlayan ve edaleti yayandır.”
İmam Hüseyn (e) buyurur: “Soruşdum ki, ey Emirelmö`minin, bu mütleq baş verecek?
Hezret buyurdu: “Mehemmedi (s) peyğemberliye seçen ve onu bütün yaranmışlardan uca tutan Allaha and olsun ki, mütleq olacaq! Amma bu iş saf, xalis ve yeqinli ruha sahib olan iman ehlinden savayı, kimsenin ondan salamat çıxa bilmeyeceyi qeyb ve çaşqınlıq dövründen sonra olacaqdır. Onlar o keslerdir ki, Allah bizim vilayetimizle bağlı onlardan ehd-peyman almış, imanı qelblerine hekk etmiş ve öz terefinden olan ruhla onlara kömek göstermişdir.”
3) Hezret Fatime (e):
“Allah peyğemberi (s) mene buyurdu: “Ey Fatime, xoş senin halına! Mehdi senin neslindendir.”
4) İmam Hesen (e):
“Biz Ehli-beytin heç biri mecburiyyet üzünden zamanın tağutuna qarşı şıxa bilmeyecekdir. Lakin Hezret Mehdi bu cür olmayacaq.
Meryem oğlu İsa onu arxasında namaz qılacaqdır.
Allah onun dünyaya gelişini gizli suretde heyata keçirecek ve heç bir zalıma tabe olmamaq üçün onu qeybe çekecekdir.”
5) İmam Hüseyn (e):
“On iki hidayet rehberi bizdendir. Onların birincisi Emirelmö`minin Eli ibn Ebutalib (e), sonuncusu ise menim doqquzuncu övladımdır. O, haqq uğrunda baş verecek qiyamın rehberi olacaqdır. Allah taala ölmüş yer üzüne onun vasitesile can verecek ve onun elile haqq dinini bütün dinler üzerinde qelebe çaldıracaqdır. Allah bu işi müşriklerin xoşuna gelmese bele heyata keçirecekdir.”
6) İmam Zeynelabidin (e):
“Bizim Qaimimiz iki defe qeybe çekilecek ve onların biri o birinden uzun çekecek... Bu qeyb o qeder uzun çekecek ki, vilayete e`tiqadlı olanların çoxu yolunu azacaq. O gün güclü imanı, düzgün dünyagörüşü, qelbinde bizim hökm ve gösterişlerimize şekk ve tereddüdü olmayan ve biz Ehli-beyte tabe olan keslerden başqa heç kim imanında sabit qala bilmeyecek.”

7) İmam Baqir (e).
Ravi deyir: “İmamdan Tekvir suresinin 15 ve 16-cı ayeleri −Fela uqsimu bil-xünnes, el-cevaril künnes − baresinde soruşdum.
Buyurdu: “Bu ayelerde meqsed axırüzzamanda zühur edecek şexsdir. O, bizden olan hemin Mehdidir (e). Onun zühurundan önce qeyb ve çaşqınlıq olacaq. O zaman bir qrup yolunu azar, diger bir qrup ise hidayet olunar. Onu görsen xoş halına! Onu gören her bir kesin xoş halına.”

8) İmam Sadiq (e):
“Zühur sahibi qeybe çekilecek. Allah bendeleri hemin dövrde teqvalı olmalı ve öz dinlerinden möhkem yapışmalıdırlar.”

9) İmam Kazim (e):
“Hezret Mehdi didergin, tenha, qerib, qaib, yaxınlarından ayrı ve atasının qanını alacaq şexsdir.”

10 İmam Rza (e):
“İmam Hesen Esgeriden (e) sonra oğlu Höccetil Qaim imam olacaq. O, qeyb zamanında intizarı çekilen ve zühur zamanında ise itaet edilecek şexsdir. Dünyanın sonuna hetta bir gün qalsa bele, Allah o günü o qeder uzadacaq ki, zühur ederek zülm ve fesadla dolmuş yer üzünü edaletle doldursun.”

11) İmam Mehemmed Teqi (e).
Ondan İmam Mehdinin ne üçün “Müntezer” adlandırılması barede soruşduqda bele buyurdu: “O, uzunmüddetli qeybe çekilecek. O dövrde xalis iman ehli onun münteziri, şekk edenler münkiri olarlar. İnkar edenler bu işe istehza ile yanaşar, zühur vaxtını te`yin edenlerin sözü inkar olunar, telesenler helak olar, teslim olanlar ise nicat taparlar.”

12) İmam Eliyyen Neqi (e):
“Sahibiniz ve imamınız sitemkarların diyarından qeybe çekildiyi zaman qurtuluşun intizarında olun.”

13) İmam Hesen Esgeri (e):
“Oğlum Mehdini inkar edenler o adama benzeyirler ki, bütün peyğemberleri qebul etmiş, amma Mehemmedin (s) peyğemberliyini inkar etmişdir. Allah peyğemberini (s) inkar edenler ise bütün peyğemberleri inkar eden kimidir. Ona göre de bizim sonuncumuza itaet evvelincimize itaet, sonuncumuzu inkar evvelincimizi inkar kimidir.”